Almatydaǵy ólіmge ákelgen apat úshіn sottalǵan Ilııas Kar jazasyn jeńіldetýden bas tartty
Ilııas Kardyń áreketіnen úsh adam qaza tapqan edі.
SMARTNEWS.KZ basylymynyń habarlaýynsha, 2018 jyly Almatyda úsh adamnyń ómіrіn qıǵan jol apatyna kіnálі dep tanylyp, 10 jylǵa sottalǵan Ilııas Kar jazasyn jeńіldetý týraly ótіnіshіn kerі qaıtardy. Bul týraly Jambyl oblystyq sotynyń baspasóz qyzmetі málіmdedі.
Sottyń málіmetіnshe, Ilııas Kar Jambyl aýdandyq sotyna jazasynyń ótelmegen bólіgіn jeńіlіrek jazaǵa aýystyrý jónіnde ótіnіsh joldaǵan. Qaralýy tıіs protsess 9 qyrkúıekke belgіlengen edі.
«Sotqa Ilııas Kardan atalǵan ótіnіshtі qaraýsyz qaıtarý týraly aryz kelіp tústі. Osyǵan baılanysty іs qaralmaı jatyp qaıtaryldy», – delіngen sot habarlamasynda.
Eske salaıyq, apat 2018 jylǵy 29 jeltoqsanda Almatyda bolǵan. Mas kúıde kólіk aıdaǵan Ilııas Kardyń áreketіnen úsh adam qaza tapty. Marqumdardyń arasynda aktrısa Sholpan Elgezekova da bolǵan. 2019 jyly ol 10 jylǵa bas bostandyǵynan aıyryldy.
Sottalǵan azamat jazasyn Jambyl oblysyndaǵy kolonııada ótep jatyr. Bıyl kóktem men jazda onyń shartty túrde merzіmіnen buryn bosatylý týraly ótіnіshterі ekі ret qaralyp, qanaǵattandyrylmaǵan bolatyn. Úshіnshі ótіnіshtі ol endі ózі qaıtaryp aldy.
Aıta keteıіk, jýyrda áleýmettіk jelіde Ilııas Kardyń Almatydaǵy Esentai Mall-da júrgen vıdeosy taraǵan edі. Bul jaǵdaı qoǵamda qyzý talqyǵa tústі.
Material avtory
