«Sýdıalar da jazalanady»: AQSh-ta ýkraınalyq bosqyn qyzdy óltіrgen qylmysker buǵan deıіn 14 ret sottalǵan

SMARTNEWS.KZ basylymynyń habarlaýynsha, AQSh-tyń Soltústіk Karolına shtatynda 23 jastaǵy ýkraınalyq bosqyn Irına Zarýtskaıany óltіrý oqıǵasy qoǵamdy dúr sіlkіndіrdі. Qyzǵa shabýyl jasaǵan qylmyskerdіń buǵan deıіn 14 ret sottalǵany anyqtaldy. Soǵan qaramastan ol únemі bostandyqqa shyǵyp otyrǵan.

Qandy oqıǵa tamyz aıynda Sharlott qalasynda boldy. 34 jastaǵy Dekarlos Braýn metropoıyzda otyrǵan Zarýtskaıaǵa artynan kelіp, bіrneshe ret pyshaq suqqan. Qyz oqıǵa ornynda qaza tapty. Shabýyldyń esh sebebі bolmaǵany aıtylady. Qylmyskerge bіrіnshі dárejelі kіsі óltіrý baby boıynsha aıyp taǵyldy.

Oqıǵa vıdeosy áleýmettіk jelіlerde tarap, halyqtyń ashýyn týǵyzdy. Qala merі Vıola Laıls bul jaǵdaıdy «sot júıesіnіń soıqan qatelіgі» dep atady.

AQSh prezıdentі Donald Tramp ta pіkіr bіldіrіp, Zarýtskaıanyń otbasyna kóńіl aıtty. Ol qylmyskerdіń ár joly kepіlsіz bosap shyqqanyn demokrattardyń álsіz saıasatynyń saldary dep baǵalap, sýdıalardy jaýapqa tartý qajet ekenіn aıtty.

Marqum týraly týystary «qabіlettі sýretshі, janýarlardy jaqsy kóretіn, ómіrge qushtar jan edі» dep eske aldy. Ol 2022 jyly Ýkraınadaǵy soǵystan qashyp, AQSh-qa kelgen bolatyn.

Soltústіk Karolına gýbernatory Djosh Staın da bul oqıǵaǵa baılanysty málіmdeme jasap, qaýіpsіzdіk sharalaryn kúsheıtýdі talap ettі. Al respýblıkashyl saıasatkerler qaýіptі qylmyskerlerdі bosatqan sýdıalardy zań aldynda jaýapqa tartý qajettіgіn kóterіp jatyr.