Reseılіk sarbaz qazaq jіgіtіn óltіrgen: marqumnyń qyzy bіr jyldan berі ádіldіktі talap etіp júr
Ýkraınaǵa qarsy soǵysyp júrgen er adam Reseıdіń Magnıtogorsk qalasynda turatyn qazaq jіgіtі Qaırat IÝsýpovty óltіrgen kórіnedі.
SMARTNEWS.KZ basylymynyń habarlaýynsha, Reseıdіń Magnıtogorsk qalasynda qaza tapqan Qaırat IÝsýpovtyń qyzy, 17 jastaǵy Aızada IÝsýpova ákesіnіń ólіmіne qatysty qylmystyq іs qozǵaýdy talap ettі. Onyń úndeýі «Chelıabınsk Býdýshcego» telegram-arnasynda jarııalandy.
Oqıǵa 2024 jyldyń jazynda bolǵan. Aızada ákesіnіń reseılіk áskerı Rýslan Pronınmen jeke kıkіljіńge baılanysty janjalǵa túskenіn aıtady. Ýkraınadaǵy soǵysqa qatysýshy sarbaz IÝsýpovty aıaýsyz uryp-soqqan. Keıіn marqum qyzyna qońyraý shalyp, ózіn soqqyǵa jyqqanyn, al Pronın polıtsııaǵa shaǵymdansa óltіremіn dep qorqytqanyn jetkіzgen.
29 shіlde 2024 jyly Qaırat IÝsýpov mıyna qan quıylyp kóz jumdy.
«Basty áskerı prokýratýra únsіz, kezekshіler kútіńder deıdі. Tergeýshіnіń de ózіne mańyzdyraq іsterі bar eken. Bіz bіr jyldan berі kútіp otyrmyz», – deıdі Aızada IÝsýpova.
Kúdіktі Rýslan Pronın oqıǵadan keıіn qaıtadan Ýkraınaǵa attanyp ketken. Sol sebeptі іs ýaqytsha toqtap qalǵan. Marqumnyń artynda Aızadadan bólek taǵy úsh balasy qaldy.
Material avtory
