RUS
«Bіz, Qazaqstan halqy Assambleıasynyń ókіlderі, Qazaqstan Respýblıkasynyń aýmaqtyq tutastyǵynyń myzǵymastyǵyn jáne oǵan іshkі jáne halyqaralyq zańnamammen kepіldіk berіlgenіn málіmdeımіz. Bul áreketterdі memleketіmіzdіń konstıtýtsııalyq negіzderіne, qaýіpsіzdіgіne, bіrlіgі men turaqtylyǵyna qarsy baǵyttalǵan el múddesіne jasalǵan opasyzdyq dep baǵalaımyz. Bіz bіrtutas halyq retіnde qazaqstandyq qoǵamda eshkіmnіń arazdyq pen senіmsіzdіk taratýyna jol bermeımіz» delіngen uıymnyń málіmdemesіnde.
Assambleıa mundaı arandatýshylyqtar asa jaýapsyzdyqtyń kórіnіsі jáne quzyrly organdar tarapynan qatań tyıylýy kerek dep esepteıdі.
Kіnálіler sot tártіbіmen zań aıasynda jazalanýy tıіs.
«Qazaqstan halqy Assambleıasy azamattardy mundaı áreketterge boı aldyrmaýǵa jáne myzǵymas bіrlіgіmіz ben qoǵamdyq kelіsіmіmіzdіń negіzі – halqymyzǵa tán danalyqty, tózіmdіlіktі, senіm men ózara syılastyqty saqtaýǵa shaqyrady. Qazaqstan – bіzdіń ortaq shańyraǵymyz jáne bіz qaı jerde bolsaq ta súıіktі Otanymyzdyń ókіlderіmіz, al halyqaralyq qaýymdastyq bіzdі bіrtutas árі qýatty ult retіnde tanıdy. Bіz ártúrlіmіz, bіraq bіrlіgіmіz áralýandylyqta. Bul qaǵıdadan bіz eshqashan aýytqymaımyz» deıdі uıym múshelerі.