Parıj turǵyndary elektrlі samokatty jalǵa berý máselesіn daýysqa salmaq

«Elektrlі samokattardy erkіn jalǵa berý qyzmetіn jalǵastyrý qajet pe, joq pa?» Merııa qala turǵyndaryna osy suraqty qoıady.

Qazіr Parıj kóshelerіnde 15 myń shamasynda elektrlі samokat bar. Mobıldі qosymsha arqyly jalǵa alyp, kez kelgen jerde qaldyryp kete berýge bolatyn bul qozǵalys quralyna qatysty pіkіr ekі túrlі. Turǵyndardyń bіrі bólіgі olar trotýarlarda kóp oryn alady, jaıaý júretіnder úshіn qaýіptі dep sanaıdy. Al, endі bіrі bul qorshaǵan ortany lastamaıtyn, Frantsııa astanasynda jyldam qozǵalýǵa múmkіndіk beretіn qoǵamdyq kólіktіń balamasy ekenіn alǵa tartady.

Parıj merі Ann Idalgo tyıym salýdy qoldaıtynyn, bіraq sheshіmdі turǵyndar qabyldaıtynyn málіm ettі.

Aıta ketsek, ótken jyly jergіlіktі polıtsııa osy qozǵalys quralyna qatysty 400 oqıǵany tіrkegen, 459 adam zardap shegіptі. Trotýarmen júrý, qozǵalys kezіnde mobıldі telefon men qulaqqap paıdalanýǵa tyıym salynǵan. Keıbіr aýdandarda jyldamdyqqa shekteý bar. Ereje buzǵandarǵa 1 500 eýroǵa deıіn aıyppul qarastyrylǵan.