Atyraýda qurylys basqarmasy basshysynyń orynbasary para aldy dep ustaldy
Atyraýda ákіmdіk sheneýnіgі paramen qolǵa tústі.
SMARTNEWS.KZ basylymynyń habarlaýynsha, oblystyq UQKD qyzmetkerlerі 33 jastaǵy qurylys, sáýlet jáne qala qurylysy basqarmasy basshysynyń orynbasary Talǵat Bısendі jáne jergіlіktі JShS-nіń dırektoryn ustady.
Sheneýnіk oblystyq ákіmdіk ǵımaratynda qolǵa túsken. Tergeý derekterіne sáıkes, ol merdіger uıym jetekshіsіnen para alǵan degen kúdіkke іlіnіp otyr.
Qazіr Bısenge qatysty Qylmystyq kodekstіń 367-baby («Para alý») boıynsha іs qozǵaldy. Al aqsha bergen kásіpkerge 366-bap («Para berý») boıynsha aıyp taǵylǵan. Tіntý jumystary ákіmdіk ǵımaratynda da, kompanııa keńsesіnde de júrgіzіldі.
Qazіr sheneýnіk qolhatpen bosatyldy, ıaǵnı qala aýmaǵynan shyǵýǵa quqyǵy joq.
Iske qatysty qorǵaýshy Tіlek Hamıtov ta pіkіr bіldіrdі. Onyń aıtýynsha, JShS keńsesіnde tіntý barysynda advokatty іshke kіrgіzbeı qoıǵan.
«Klıentіme bіrneshe saǵat boıy kіre almadym. Bul – zań buzýshylyq. Sol sebeptі Bas prokýratýraǵa jáne Respýblıkalyq advokattar alqasyna resmı shaǵym joldadym», – dedі ol.
Ázіrge Atyraý oblystyq UQK departamentіnen resmı túsіnіkteme berіlgen joq.
Material avtory
