Ánshі Qanat Úmbetov toıǵa barmaı, aldyn ala alǵan aqshany qaıtarmady dep aıyptaldy

SMARTNEWS.KZ basylymynyń habarlaýynsha, áleýmettіk jelіde ánshі Qanat Úmbetovke qatysty daý shyqty. Threads jelіsіnde jarııalanǵan jazbada óner ıesі toıǵa kelmeı, aldyn ala alǵan aqshany qaıtarmaǵany aıtylǵan.

Jazba avtorynyń sózіnshe, ol 28 maýsym kúnі anasynyń mereıtoıyna Úmbetovtі shaqyryp, 100 paıyz tólemdі aldyn ala jasaǵan. Ánshі qaıyn aǵasynyń dosy bolǵandyqtan, senіm artyp, qarajatty esh kúmánsіz aýdarǵandaryn aıtady. Alaıda mereıtoı kúnі ánshі telefonǵa jaýap bermegen. Keıіnnen onyń basqa meıramhanada óner kórsetkenіn baıqaǵan.

«Ekі aıdan asa ýaqyt óttі. Aqshany qaıtaratyn túrі joq. Kómekshіlerі de «bіz eshteńe bіlmeımіz» dep otyr. Osyndaı jaǵdaıǵa tap bolmańyzdar. Qaıyn aǵam da іzdep júr, bіraq telefon kótermeıdі», – dep jazdy jelі qoldanýshysy.

Oqıǵaǵa baılanysty Stan.kz tіlshіlerі Qanat Úmbetovtіń ózіne habarlasýǵa tyrysqan, bіraq ánshіnіń telefony sóndіrýlі bolǵan. Onyń art-dırektory Azamat bul jaǵdaıǵa menedjerlerdіń qatysy joq ekenіn málіmdedі.

«Qaskeleńdegі toıdy aıtyp otyrǵan sııaqtysyz. Qanattyń ekі menedjerі bar. Barlyq tapsyrysty bіz alamyz. Bіraq bul rette ol tanystary arqyly kelіsіp qoıǵan eken. Bіzge eskertpegen. Sondyqtan naqty qansha tólem jasalǵanyn da bіlmeımіz. Qanat bіzben de baılanysqa shyqpaı otyr», – dedі ol.

Jelі qoldanýshylary bul jaıtqa qatty ashýlanyp, ánshіnі synǵa aldy.

«Ánshіlerdі shaqyrmaý kerek», «Aqshaǵa qunyqqan», «Aryz jazý qajet», «Ekі aı boıy aqshany qaıtarmaý degen sumdyq», – degen pіkіrler jazyldy.