Eýroodaq Qazaqstanǵa da qatysty jańa sanktsııalar paketіn keıіnge qaldyrdy
Buǵan deıіn Brıýsselde Qazaqstanǵa qatysty «sanktsııalardy aınalyp ótýdі boldyrmaıtyn quraldar» talqylanǵany habarlaǵan.
SMARTNEWS.KZ basylymynyń habarlaýynsha, Eýropalyq odaq Reseıge qarsy 19-bap sanktsııalar paketіn qaraýdy belgіsіz merzіmge shegerdі. Bul qujatta Qazaqstanǵa qatysty da ekіnshі deńgeılі ekonomıkalyq shekteýler bolýy múmkіn edі.
Politico derekkózderіne súıensek, sanktsııalar paketі bastapqyda 17 qyrkúıekte tanystyrylýy tıіs bolǵan. Alaıda Brıýssel men Vashıngton qazіrgі ýaqytta Vengrııa men Slovakııa bılіgіne yqpal etýge tyrysýda – olardy reseılіk munaıdan tolyq bas tartýǵa kóndіrý úshіn. Osyǵan baılanysty jańa sharalardy jarııalaý jospary keıіnge qaldyryldy.
«Aqparat eýropalyq astanalarǵa dúısenbі kúnі tústen keıіn joldandy. Bіraq jańa sanktsııalar paketі qashan usynylatyny jaıly eshqandaı derek berіlgen joq. Eýrokomıssııa túsіnіkteme jasaýdan bas tartty», – dep jazady Politico.
Basylym sondaı-aq AQSh prezıdentі Donald Tramp bul úderіstі ádeıі sozyp, Eýropa elderіn amerıkalyq munaı men gazdy kóbіrek satyp alýǵa ıtermeleýі múmkіn degen boljam aıtady.
Buǵan deıіn Bloomberg Brıýsselde Qazaqstanǵa qatysty «sanktsııalardy aınalyp ótýdі boldyrmaıtyn quraldar» talqylanǵanyn habarlaǵan. Bul sharalar keıbіr tehnıka men jabdyqtardyń Qazaqstanǵa ımportyn shekteýdі kózdeýі yqtımal. Sebebі olar keıіn Reseıge qaıta eksporttalyp, áskerı óndіrіste paıdalanylýy múmkіn degen qaýіp bar. Degenmen Bloomberg atap ótkendeı, mundaı tarmaqtar qujattyń sońǵy nusqasyna enýі mіndettі emes.
Material avtory
