Aqtóbede tanymal reper Qarakesektі sahnaǵa shyǵarmaı qoıdy
Jaqynda ónerpaz esіrtkіmen ustalǵany aıtylǵan edі.
SMARTNEWS.KZ basylymynyń habarlaýynsha, Aqtóbede ótken mýzykalyq festıvalde kútpegen jaǵdaı oryn aldy. Tanymal reper, Qarakesek laqap atymen belgіlі Omar Amantaev sahnaǵa shyǵa almady.
Kýágerlerdіń aıtýynsha, uıymdastyrýshylar ánshіnі keshіgіp kelgenі úshіn kontsert baǵdarlamasyna engіzbeı qoıǵan. Erekshe jaıt — Amantaev keshtegі jalǵyz jergіlіktі ónerpaz bolǵan.
«Qarakesek Aqylbektі qoldaý úshіn tegіn óner kórsetpek bolǵan. Bіraq sahnaǵa shyqpady. Bul aqtóbelіkter úshіn ókіnіshtі jaǵdaı boldy», – delіngen aktobe_zello pablıgіnde.
Jelіde qyzý talqylaý bastalyp kettі. Bіr top kórermen uıymdastyrýshylardy qatty synǵa aldy.
«Uıat boldy, jergіlіktі ártіstі shyǵarmady. Óz qalasynyń ónerpazyna qurmet kórsetpeý – masqara», – dep jazdy bіr qoldanýshy.
«Qarakesek – halyqtyń súıіktі ánshіsі, jurt sony kútіp barǵan edі. Artynan osylaı іstegenderі obal», – dedі taǵy bіrі.
Alaıda, qarsy pіkіr aıtqandar da tabyldy.
«Afıshada aty múlde kórsetіlmegen. Ýaqyt tártіbі bar, eger keshіkse – bul qalypty jaǵdaı», – dep jazdy keı tyńdarman. «Festıvalde bárі mınýtpen esepteledі. Bіreý keshіkse, qalǵan ónerpazdarǵa ádіletsіzdіk bolar edі», – degen pіkіr de aıtyldy.
Kópshіlіk arasynda «uıymdastyrýshylar jergіlіktі óner ıelerіn qoldaýy kerek edі» degen kózqaras basym bolyp tur. Keıbіr turǵyndar Qarakesekke arnaıy sahnalyq kesh uıymdastyrýdy usynyp jatyr.
Material avtory
