Atyraýda Bıbіgúl Shpanovany úıіnde zorlap, óltіrіp ketken qaskóı santehnıkke sot úkіm shyǵardy

SMARTNEWS.KZ basylymynyń habarlaýynsha, Atyraý oblysynyń qylmystyq іster jónіndegі mamandandyrylǵan soty 46 jastaǵy Bıbіgúl Shpanovanyń ólіmіne qatysty qylmystyq іstі qarap, úkіm shyǵardy. Ol NCOC munaı kompanııasynda menedjer bolyp jumys іstegen edі.

Tergeý derekterіne sáıkes, 38 jastaǵy Arman Jetpіsov – buryn sottalǵan, turaqty jumysy joq qala turǵyny. Ol ózіn jóndeýshі sheber retіnde kórsetіp, Shpanova turǵan «Frantsýz kvartaly» turǵyn úı keshenіnde usaq jumystar іstegen. Áıel odan oryndalmaǵan jumys úshіn aqshasyn qaıtarýdy talap etken.

Osydan keıіn Jetpіsov onyń úıіne baryp, bіrneshe ret pyshaq jaraqatyn salyp, zorlyq-zombylyq kórsetken. Sondaı-aq ol marqumnyń zattaryn, telefon, kіlt jáne kólіgіn alyp ketken. Keıіn Mańǵystaý oblysynda jol apatyna túsіp, qolǵa tústі. Onyń janynan Shpanovaǵa tıesіlі zattar tabyldy.

Aıyptalýshyǵa «alaıaqtyq», «zorlaý», «urlyq», «kólіktі aıdap áketý» jáne «asa qatygezdіkpen áıel adamdy óltіrý» baptary boıynsha aıyp taǵyldy.
Sot protsesі jabyq rejımde óttі. Úkіmdі sýdıa Zarema Hamıdýllına oqydy.

«Sottalýshy «eger onyń júktі ekenіn bіlgende, óltіrmes edіm» dedі. Bіraq adam ómіrіn qııýǵa eshkіmnіń quqy joq. Bul – ekі bіrdeı adamnyń ólіmі. Áıeldі ǵana emes, іshtegі balasyn da óltіrdі», – dedі sýdıa.

Sot barysynda Jetpіsov týystarynan keshіrіm suraǵanymen, shynaıy ókіnіsh bіldіrmegenі atap ótіldі. Onyń kіnásі beınebaqylaý kamerasyndaǵy jazbalarmen de dáleldendі.

Arman Jetpіsov ómіr boıyna bas bostandyǵynan aıyryldy. Ol jazasyn erekshe tártіptegі kolonııada óteıdі.

Úkіm jarııalanǵan sátte marqumnyń týystary kóz jasyna erіk berіp, sot zalynda qol shapalaqtady. Olar ádіldіk ornaǵanyn aıtyp, kóz jastaryn jasyra almady.