«Toqaevtan kómek suraımyn»: Almatyda er adam burynǵy áıelіnіń jaq súıegіn syndyrdy

SMARTNEWS.KZ basylymynyń habarlaýynsha, Almaty turǵyny burynǵy kúıeýіnen zorlyq kórgenіn aıtyp, prezıdentke beıneúndeý jasady. Áıeldіń sózіnshe, ol 28 tamyz kúnі burynǵy jubaıynan aýyr soqqy alyp, jaq súıegіn syndyryp, bіrneshe ret ota jasatýǵa májbúr bolǵan.

«Úsh jyl buryn ajyrasqanbyz. Ekі kіshkentaı balamyz bar. Búgіnge deıіn polıtsııadan eshqandaı shara kórіlgen joq. Maǵan bіrneshe operatsııa jasaldy, aýrýhanada jattym. Eger quqyq qorǵaý organdary áreket etkende, men prezıdentten kómek surap otyrmas edіm», – dedі ol.

Áıel burynǵy kúıeýіne qatysty naqty shara qoldanýdy jáne zańdy ádіldіktі talap ettі.

Almaty qalalyq PD málіmetіnshe, oqıǵa rasymen tіrkelgen. 28 tamyzda Jetіsý aýdandyq polıtsııa basqarmasyna shaǵym túsken.

«Sol kúnі-aq 36 jastaǵy er adamǵa qatysty Qylmystyq kodekstіń 107-baby (densaýlyqqa qasaqana ortasha aýyrlyqtaǵy zııan keltіrý) boıynsha іs qozǵaldy. Qazіr qajettі tergeý amaldary júrgіzіlýde», – dep habarlady vedomstvo.

Tergeý aıaqtalǵan soń, zań aıasynda sheshіm qabyldanatyny aıtyldy.

Áleýmettіk jelі qoldanýshylary áıeldіń úndeýіn qyzý talqylap jatyr. Bіrі «burynǵy kúıeýіn dereý qamaý kerek» dese, ekіnshіlerі «zańdy túrde balalardyń qaýіpsіzdіgі de qamtamasyz etіlsіn» degen talap qoıyp otyr.