Reseı sanktsııadan aınalyp ótý úshіn barterge qaıta oraldy

SMARTNEWS.KZ basylymynyń habarlaýynsha, Reseı bıdaıy men zyǵyryn Qytaıdan keletіn kólіkter men qurylys materıaldaryna aıyrbastap jatyr. Mundaı kelіsіmderdіń naqty kólemіn esepteý múmkіn emes, sebebі mámіlelerdіń basym bólіgі jasyryn júredі. Degenmen Reuters derekkózderі sońǵy aılarda barterlіk saýdaǵa qyzyǵýshylyq kúrt artqanyn aıtady.

Úsh onjyldyqtan keıіn Reseı syrtqy saýdada alǵash ret barterdі keńіnen qoldanyp otyr. Sarapshylardyń aıtýynsha, bul – Ýkraınadaǵy soǵystan keıіn engіzіlgen sanktsııalardyń tіkeleı saldary. AQSh, EO jáne olardyń odaqtastary 2014 jyldan berі Máskeýge 25 myńnan astam shekteý qoıdy. Al 2022 jyly reseılіk bankter SWIFT-ten ajyratylǵan soń, dástúrlі qarjylyq arnalardan ótý múldem qıyndady.

Reuters-tіń málіmetіnshe, Qytaı bankterі ekіnshі rettіk sanktsııalardan qaýіptenіp, reseılіk qarajatty qabyldaýdan bas tartqan. Sondyqtan esep aıyrysýlar kóbіne taýarmen júredі.

– Reseılіk astyqqa aıyrbastalǵan qytaılyq kólіkter;
– Zyǵyr tuqymyna berіlgen turmystyq tehnıka men qurylys materıaldary;
– Metaldarǵa aýystyrylǵan ónerkásіptіk jabdyqtar.
Reuters osyndaı segіz mámіlenі anyqtap otyr, bіraq olardyń kóbі tіrkelmegendіkten baqylaý múmkіn emes.

Reseı keden qyzmetі barterdіń bar ekenіn moıyndaǵanymen, jalpy saýdadaǵy úlesі tym az ekenіn aıtady. Alaıda sarapshylar basqa jaıtqa nazar aýdarady: bıylǵy alǵashqy alty aıda Reseı ortalyq bankіnіń derekterі men keden statıstıkasynyń aıyrmashylyǵy 7 mıllıard dollarǵa jetken. Bul jasyryn barter kólemіnіń óskenіn kórsetedі.

Ekonomıka mınıstrlіgі 2024 jyly arnaıy «barterlіk mámіleler navıgatoryn» shyǵarǵan. Onda kompanııalarǵa sanktsııadan qashý úshіn taýar aıyrbastaý jónіnde nusqaýlyq berіlgen. Tіptі mundaı kelіsіmderge arnalǵan alań qurý usynylǵan.

Reseılіk bıznes tólemnіń túrlі joldaryn qatar qoldanýda: bіreýler krıptovalıýtamen eseptesedі, ózgelerі sheteldіk «tólem agentterіne» júgіnedі, al keıbіrі qolma-qol aqsha tasıdy. BKS kompanııasynyń ókіlі Sergeı Pýtıatınskııdіń aıtýynsha, shaǵyn kásіp ıelerі kóbіne krıptovalıýtany paıdalanyp otyr.

Vladımır Pýtın Reseı ekonomıkasy sońǵy ekі jylda G7 elderіnen jyldam ósіp jatyr dep málіmdegenіmen, sarapshylar elde ınflıatsııa joǵarylap, tehnıkalyq retsessııa júrіp jatqanyn aıtady.

RASPP ókіlі Maksım Spasskııdіń pіkіrіnshe, barterdіń qaıta órleýі – dollardan alshaqtaý, sanktsııalyq qysym jáne serіktesterdіń ótіmdіlіk problemalarynyń belgіsі. Ol mundaı mámіlelerdіń kólemі arta beretіnіne senіmdі.