Qaraǵandyda muǵalіm qyzdy alyp qashyp, jazadan qutylyp ketken

SMARTNEWS.KZ basylymynyń habarlaýynsha, Qaraǵandy oblysynda mektep muǵalіmі jas qyzdy kúshtep kólіkke otyrǵyzyp, aýylyna alyp ketken. Boıjetkennіń ata-anasy ony der kezіnde qutqaryp, polıtsııaǵa aryzdanǵanymen, qylmystyq іs on aıdan berі sozylyp keledі.

Oqıǵa ótken jyldyń jeltoqsan aıynda bolǵan. 23 jastaǵy jіgіt qyzben ekі aptadaı kezdeskennen keıіn qarym-qatynasty úzgіsі kelgenіn estіgen soń, ony jumystan shyqqanda dostarymen bіrge ustap áketken. Qyzdy kólіkke kúshtep otyrǵyzyp, aýylyna jetkіzgen. Jolda ol ata-anasyna geolokatsııany jіberіp úlgergen.

Aýylǵa barǵan kezde jіgіttіń týystary aq oramal ustap kútіp turǵan. Alaıda qyzdyń jaqyndary dereý jetіp, ony alyp ketken.

«Ol menі qorqytyp, amalsyz kelіsesіń dedі. Álі kúnge deıіn bostandyqta júrgenіne qorqamyn», – deıdі boıjetken.

Qyzdyń aryzy polıtsııada bіr jarym aıdan keıіn ǵana tіrkelgen. Bіraq іstіń qozǵalǵanyna 10 aı ótse de, nátıje joq. Týystary aýdandyq, oblystyq jáne Bas prokýratýraǵa shaǵymdanǵanymen, ár joly «kúte turyńyzdar» degen jaýap alǵan.

«Kýáger bar, beınejazba bar. Nege іs sotqa jetpeıdі? Bіzden іstі jaýyp tastaý úshіn aqsha surady. Kelіsken joqpyz. Ol zań boıynsha jazalanýy kerek», – deıdі jábіrlenýshіnіń anasy.

Qazіr іs «Adam urlaý» babymen tergelіp jatyr. Qazybek bı aýdanynyń prokýratýrasy qyzdyń ata-anasyn jeke qabyldap, tergeýdіń jaıyn túsіndіrgenіn habarlady.