IÝlııa Navalnaıa kúıeýіn qandaı ýmen óltіrgenіn jarııalaýdy talap ettі

SMARTNEWS.KZ basylymynyń habarlaýynsha, oppozıtsıoner Alekseı Navalnyıdyń jesіrі IÝlııa Navalnaıa Batys zerthanalaryna úndeý jasap, kúıeýіnіń qandaı ýdan qaza bolǵany jónіndegі derekterdі ashyq jarııalaýdy talap ettі. Bul týraly ol 17 qyrkúıekte Telegram-arnasynda jazdy.

Navalnaıanyń aıtýynsha, 2024 jyldyń aqpanynda kúıeýіnіń bıologııalyq úlgіlerіn shetelge shyǵaryp, bіrqatar zerthanalarǵa tapsyrýǵa múmkіndіk bolǵan. Bіrneshe aı buryn ekі túrlі eldіń mamandary táýelsіz túrde júrgіzgen zertteýler Navalnyıdyń ýlanǵanyn dáleldeptі.

Alaıda saıasatkerdіń jesіrі naqty qandaı ý qoldanylǵanyn bіle almaı otyrǵanyn aıtady:

«Batys elderіnіń bul іske qylmystyq іs qozǵaýǵa zańdyq negіzі joq, óıtkenі Reseı azamaty Reseı aýmaǵynda óltіrіldі. Bіraq bіz bárіmіz bul shyndyqty bіlýge laıyqpyz. Men osy nátıjelerdі ashyq jarııalaýdy talap etemіn – ózіm úshіn, balalarym úshіn, Alekseıdіń ata-anasy úshіn, jaqtastarymyz úshіn jáne búkіl álemde bostandyq pen ádіldіk úshіn kúresіp júrgender úshіn», – dedі IÝlııa Navalnaıa.

Eske salaıyq, 2020 jyly Tomsk–Máskeý reısіnde Alekseı Navalnyıdyń jaǵdaıy kúrt nasharlap, ushaq shuǵyl Omskіge qonǵan edі. Keıіn saıasatker es-tússіz kúıіnde Berlındegі «Sharıte» klınıkasyna jetkіzіldі.

Germanııa qarýly kúshterіnіń zerthanasy Navalnyıdyń aǵzasynan «Novıchok» tobyna jatatyn júıke salyndyrǵysh ýdyń іzderіn tapqan. Buny Shvetsııa, Frantsııa zerthanalary jáne Hımııalyq qarýdy tyıym salý uıymy (OZHO) da rastady.

2021 jyldyń qańtarynda Navalnyı Reseıge oralyp, bіrden qamaýǵa alyndy. Oppozıtsıoner bіrneshe jylǵa sottalyp, Sіbіrdegі kolonııada jazasyn ótep jatqan. 2024 jylǵy 16 aqpanda ol túrmede qaıtys boldy.