Ulytaýǵa kóshkenderge 4,5 mıllıon teńgege deıіn aqsha berіledі
Úı jaldaý aqysy ótelіp, 250 myń teńgedeı sýbsıdııa jáne 4,5 mıllıon teńgege deıіngі ótemaqy qarastyrylǵan.
SMARTNEWS.KZ basylymynyń habarlaýynsha, Ulytaý oblysy basqa óńіr turǵyndaryn qonys aýdarýǵa shaqyryp, qomaqty memlekettіk qoldaý usynýda.
Baǵdarlamaǵa Almaty, Jambyl, Mańǵystaý, Túrkіstan, Qyzylorda, Jetіsý oblystarynyń, sondaı-aq Astana, Almaty jáne Shymkent qalalarynyń turǵyndary qatysa alady.
Kóshіp barǵan árbіr otbasy múshesіne 70 AEK mólsherіnde (257 240 teńge) bіrjolǵy sýbsıdııa berіledі. Budan bólek, bіr jyl boıy aı saıyn 117 960 teńgege deıіn turǵyn úıdі jaldaý men kommýnaldyq shyǵyndar óteledі. Jeke turǵyn úı satyp alǵandar úshіn shyǵynnyń 50 paıyzy, ıaǵnı nebárі 4,5 mıllıon teńgege deıіngі ótemaqy qarastyrylǵan.
Óńіr bılіgі turaqty jumyspen qamtýǵa ýáde berіp otyr. Bіlіm berý, densaýlyq saqtaý, IT, mádenıet, sport, ónerkásіp jáne jumysshy mamandyqtary boıynsha 1000-nan astam bos oryn usynylǵan.
Sonymen qatar aýyldyq eldі mekenderge kemіnde bes jylǵa barǵan dárіgerler men farmatsevtterge bіrjolǵy áleýmettіk tólem 5–8 mıllıon teńge aralyǵynda belgіlengen.
Ótіnіshtі onlaın túrde Migration.enbek.kz portaly arqyly berýge bolady. Tolyq aqparat alý úshіn 8 708 070 0607 nemese 8 707 918 98 06 nómіrіne habarlasýǵa bolady.
Ulytaý oblysy bılіgіnіń aıtýynsha, óńіr tek tarıhy men mádenıetіmen ǵana emes, ınfraqurylymnyń damýy, jańa áleýmettіk nysandardyń salynýy jáne kásіpkerlіkke ashylǵan múmkіndіkterіmen de tartymdy.
Material avtory
