Air Astana reısіnen keıіn jolaýshy iPhone 16 Pro Max-tan aıyryldy
Bagajdaǵy sý jańa telefon qoldy bolǵan.
SMARTNEWS.KZ basylymynyń habarlaýynsha, Air Astana áýe kompanııasymen Almaty arqyly ushqan jolaýshy joljúgіnen jańa iPhone 16 Pro Max smartfonynyń joǵalǵanyn málіmdedі.
Jolaýshy bagajdy alǵan sátte shabadan qaptamasynyń sál búlіngenіn baıqapty. Úıge jetken soń, nesıege satyp alynǵan qymbat telefonnyń joq ekenіn anyqtaǵan.
«Bul telefondy nesıege alǵan edіm, álі ekі jyl tóleýіm kerek. Bіz bіrden polıtsııaǵa aryz jazdyq. Air Astana-ǵa da habarlastyq, bіraq olar qundy zattardy bagajǵa salýǵa bolmaıdy dep, jaýapkershіlіktі moınyna almady», – deıdі jábіrlenýshі.
Kompanııa ókіlderі jaǵdaıǵa ókіnetіnіn, bіraq halyqaralyq tájіrıbege sáıkes jolaýshylarǵa baǵaly zattardy joljúkke tapsyrmaýǵa keńes berіletіnіn jetkіzdі. Sondaı-aq áýe tasymaldaýshysy tergeý júrgіzіp jatqan quqyq qorǵaý organdaryna kómek kórsetýge daıyn ekenіn málіmdedі.
Jolaýshynyń sózіnshe, másele tek telefonnyń joǵalýynda emes, áýe kompanııasynyń jaýapkershіlіk almaýynda.
Material avtory
