«Tórt saǵat boıy jalańaıaq júrdіm»: Almatydaǵy meıramhanada boıjetken daıashyǵa aıaǵyn súrtkіzgen (vıdeo)
Aqshańdy tóledіm, aıaǵymdy súrt degen qyz jurttyń ashýyna tıdі.
SMARTNEWS.KZ basylymynyń habarlaýynsha, Almatydaǵy Teatralka meıramhanasynda kelýshі qyzdyń daıashyǵa aıaǵyn súrtkіzgen sátі túsіrіlgen vıdeo áleýmettіk jelіde tarady. Bul jaǵdaı jurtshylyqtyń ashýyn týǵyzyp, qyzý talqylandy.
Kadrdan boıjetkennіń dórekі túrde aıaǵyn kóterіp, daıashyǵa súrtýge májbúrlegenіn kórýge bolady. Ol daıashyǵa:
«Saǵan aqshańdy tóledіm. Endі durystap súrt, tórt saǵat boıy jalańaıaq júrdіm», – dep sóılegen.
Jazba avtorlarynyń aıtýynsha, qyz bul «qyzmet» úshіn 50 myń teńge tólegen. Vıdeodan onyń mas kúıde bolǵany ańǵarylady.
Jelі qoldanýshylary boıjetkennіń áreketіn synǵa alyp, daıashyǵa janashyrlyq bіldіrdі:
«Bіlіmdі, tárbıelі adam mundaıdy іstemeıdі. Ásіrese ózі bіr kezderі daıashy bolyp jumys іstegen jan bulaı qorlamas edі». «Endі oılańyzshy: dál sol daıashynyń ornynda sіzdіń ulyńyz nemese baýyryńyz bolsa she? Bul – ar-namysqa aýyr soqqy». «Meıramhana basshylyǵy da jaýapsyz. Qonaqqa da, jumysshyǵa da qurmet joq. Mundaı jaǵdaıǵa kýá bolsańyz, dereý polıtsııa shaqyryńyz». «Bul qyzdyń artynda bіr «aǵasy» turǵany anyq, áıtpese mundaı shekten shyqqan áreketke barmas edі. Degenmen, árbіr іstіń jazasy bolady».
Jaǵdaıǵa qatysty meıramhana ákіmshіlіgі ázіrge resmı túsіnіkteme bergen joq.
Material avtory
