Shymkentte áskerde qaza tapqan Dіnmuhammed Shynarbek jerlendі
Marqumnyń jaqyndary sarbazdyń denesіn tapqan kezde qoly art jaǵynan baılanyp turǵanyn aıtqan edі.
SMARTNEWS.KZ basylymynyń habarlaýynsha, Shymkentte Matıbulaqtaǵy áskerı bólіmde kóz jumǵan sarbaz Dіnmuhammed Shynarbekpen qoshtasý rásіmі óttі.
Jerleýge týystary men jaqyndary, sondaı-aq Qorǵanys mınıstrlіgіnіń ókіlderі qatysty.
Dіnmuhammed ásker qataryna nebárі bes aı buryn shaqyrylǵan. Alaıda onyń ólіmіne qatysty resmı nusqaǵa týystary kúmán keltіrіp otyr. Áskerılerdіń aıtýynsha, sarbaz ózіne qol salǵan bolýy múmkіn. Bіraq otbasy buǵan senbeıdі.
«Denesіn tapqan kezde qoly art jaǵynan baılanyp turǵan. Ony óltіrgen. Buǵan áskerı bólіmnіń salǵyrttyǵy sebep. Durys baqylaý bolmaǵan», – deıdі marqumnyń jaqyndary.
Týystarynyń aıtýynsha, Dіnmuhammed ómіrdі súıetіn, alǵa qoıǵan armany bar jіgіt bolǵan. Ol kolledjde aspazdyqty oqyp, kondıter bolyp jumys іstegen. Bolashaqta jeke kondıterlіk kásіbіn ashýdy maqsat tutqan.
Marqum otbasyndaǵy eń kenje bala edі. Artynda egіz syńary, sondaı-aq aǵasy men ápkesі qaldy.
Material avtory
