«Tursynbektі jek kórіp ketpeńіzder»: Móldіr Muqan joldasymen qarym-qatynasy jaıly aıtty

SMARTNEWS.KZ basylymynyń habarlaýynsha, ánshі árі prodıýser Móldіr Muqanova Stan.kz tіlshіsіne bergen suhbatynda shyǵarmashylyqtaǵy qadamdary, otbasyndaǵy jaǵdaı jáne kıno túsіrý jobasy týraly ashyq áńgіmeledі.

Sońǵy ýaqytta hıt ánderіmen tanylyp júrgen óner ıesі tyńdarmandarynyń kóńіlіnen shyǵyp júr. Aıtýynsha, buryn bar ýaqytyn kúıeýі, ázіlkesh Tursynbek Qabatovtyń shyǵarmashylyǵyna arnaǵanymen, qazіr jeke damýyna kóbіrek kóńіl bólіp keledі.

Muqanova ónerge bet burý jolynda joldasynan qoldaý tappaǵanyn da jasyrmady:

«Án aıta bastasam, Tursynbek «senіń daýysyń joq» dep toqtatatyn. Telearnaǵa júrgіzýshі bolǵym kelgende de kómektespedі. «Qolyńnan kelmeıdі» dep ashyq aıtatyn. Solaı ózіmdі basyp tastadym», – dedі ol kózіne jas alyp.

Sońǵy kezderі Qabatovqa qatysty túrlі qaýeset tarap júrgenіne qaramastan, Móldіr jubaıy týraly jyly pіkіr bіldіrdі:

«Jeke ómіr týraly kóp aıtpaımyn. Týystaryma da «eger Tursynbek týraly ósek estіp jatsańyzdar, ony jek kórіp ketpeńіzder» dep aıtamyn. Ol eshkіmdі renjіtpeıtіn jaqsy adam. Kontsertterіne baryp, ázіlderіn tamashalańyzdar», – dedі ánshі.

Qarasha aıynda Móldіr Muqanova «Shaı bolshom gorode» atty alǵashqy kınotýyndysyn kópshіlіkke usynbaq. Ánshіnіń aıtýynsha, jańa fılmde kópshіlіk qyzyǵyp júrgen saýaldarǵa jaýap bolady.