Aqtóbede erlі-zaıyptylar múgedek arbasyna tańylǵan adamdy qaıyr suraýǵa májbúrlep kelgen
Aqtóbelіk jup múgedek arbasyna tańylǵan adamdy qaıyr suraýǵa májbúrleý arqyly kúnіne 5-6 myń teńge paıda taýyp otyrǵan, dep habarlaıdy smartnews.kz saıty.
«Aqtóbe qalasynda polıtsııa qyzmetkerlerі erіktіlermen bіrlesіp qaıyr suraýǵa májbúrleý faktіsіn anyqtady. Aqpan aıynda erlі-zaıyptylar 46 jastaǵy múgedek arbaǵa tańylǵan er adamdy Shymkentten Aqtóbege ákelіp, qorqytyp jáne zorlyq-zombylyq jasaý arqyly qaıyr suraýǵa májbúrlegenі belgіlі boldy», - dedі Ishkі іster mınıstrlіgіnіń ókіlі Shuǵyla Turlybek onlaın brıfıngіde
Kúdіktіler múgedektі kún saıyn tańerteńnen keshke deıіn bazarlardyń mańynda, al juma kúnderі meshіtterdіń janynda ustaǵan.
Osy arqyly kúnіne 5-6 myń teńge jınap otyrǵan. Al túsken aqshany túgeldeı ózderі ıemdenіp kelgen.
«Osy faktі boıynsha Qylmystyq kodestіń 128-baby 1-bólіgі boıynsha sotqa deıіngі tergeý bastaldy. Jábіrlenýshі daǵdarys ortalyǵyna ornalastyryldy», - dedі Shuǵyla Turlybek.