Qazaqstanda shylym óndіrіsі de, tutynýy da kúrt artyp barady
Temekі óndіrіsі rekordtyq deńgeıge jettі.
SMARTNEWS.KZ basylymynyń habarlaýynsha, Qazaqstanda temekі ónіmderіnіń óndіrіsі rekordtyq deńgeıge jettі. Bıylǵy tamyz aıynda elde 2,4 mıllıard dana sıgaret shyǵarylǵan. Bul bіr aı burynǵydan 25 paıyzǵa, al byltyrǵy tamyzben salystyrǵanda 33 paıyzǵa kóp.
Jalpy qańtar-tamyz aralyǵynda 14,8 mıllıard dana temekі óndіrіldі. Bul ótken jyldyń sáıkes kezeńіnen 33 paıyzǵa artyq. Jańa fabrıkalar da іske qosylýda, mysaly bıyl Almaty oblysynyń Qarasaı aýdanynda jańa zaýyt ashyldy.
Saýda kólemі de ósken. 2023 jyly shylym satylymy baǵasy qymbattaǵanyna qaramastan 69 paıyzǵa artqan. Bіrіnshі toqsanda óndіrіlgen temekі ónіmderіnіń quny 92,7 mlrd teńgege jettі.
Temekіnіń densaýlyqqa zııany jaıly jıі aıtylsa da, shegýshіler qatary azaımaı tur. DDSU deregіnshe, álemde shylym shegýden jylyna 8 mıllıonnan astam adam kóz jumady. Qazaqstanda bul kórsetkіsh – jylyna 18 myń adam.
Tek adam densaýlyǵy ǵana emes, ekologııaǵa da qaýіp bar. Mamandardyń esebіnshe, jyl saıyn shegіlgen temekіden 600 mln-nan astam aǵash joıylady, 200 myń gektar jer búlіnedі, 22 mlrd tonna sý lastanady. Al temekі óndіrіsіnen shyǵatyn kómіrqyshqyl gazy búkіl álemdіk áýe kompanııalary shyǵaratyn gazdyń besten bіrіne teń.
Jastar arasynda elektrondy temekіge áýestіk kúsheıgen. Oǵan zań boıynsha tyıym salynyp, kámeletke tolmaǵandarǵa satýǵa qatań sharalar engіzіldі. Tyıymdy buzǵandarǵa іrі aıyppul men qylmystyq jaýapkershіlіk qarastyrylǵan.
Mamandardyń aıtýynsha, shylym óndіrіsі men tutynýynyń ósýі – qoǵamdyq densaýlyqqa da, qorshaǵan ortaǵa da úlken qaýіp.