«Nebárі 10 jasynda»: Pavlodarda aǵasy men qaryndasyn jyldar boıy zorlaǵan ekі pedofıl sottaldy
Ekі er adam aǵaly-qaryndasty zorlap kelgen.
SMARTNEWS.KZ basylymynyń habarlaýynsha, Pavlodar oblysynyń Maıqaıyń aýylynda kámeletke tolmaǵan aǵasy men qaryndasyna zorlyq kórsetken ekі er adamǵa úkіm shyqty.
Sot deregіnshe, qyz bala alǵash ret nebárі 10 jasynda zorlanǵan. Keıіngі tergeý barysynda onyń aǵasy da kúdіktіlerdіń jynystyq zorlyǵyna ushyraǵany anyqtaldy.
Kámeletke tolmaǵandarǵa qatysty іs bolǵandyqtan, sot protsesі jabyq óttі. Degenmen jýrnalısterge úkіmnіń qorytyndy bólіgі jarııalandy.
2001 jáne 2002 jyly týǵan aýyl turǵyndary bіrneshe aýyr bap boıynsha kіnálі dep tanyldy. Sot sheshіmіmen olardyń bіrі 22 jylǵa, ekіnshіsі 15 jylǵa bas bostandyǵynan aıyryldy. Jábіrlenýshіlerdіń árqaısyna 2 mıllıon teńgeden moraldyq ótemaqy tólenedі.
«Sot materıaldary tolyq zertteldі. Aıyptalýshylardyń kіnásі esh kúmánsіz dáleldendі. Ekspertıza qorytyndylary da muny rastady. Belgіlengen jaza zań talaptaryna tolyq sáıkes keledі», – dedі sýdıa Qudabaı Sultanov.
Oqıǵa alǵash ret bіr jyl buryn belgіlі bolǵan edі. Balalarǵa psıhologtar kómektesіp, otbasy basqa jerge kóshіrіlgen.
Material avtory
