Reseı Qazaqstanǵa 15 mln dollar jymqyrdy degen kúdіktіnі jіberdі
«Samuryq-Energo» tıesіlі kompanııa basshysy 8,5 mlrd teńge jymqyryp, Reseıge ketken.
SMARTNEWS.KZ basylymynyń habarlaýynsha, Reseı Qazaqstanǵa Aqmola oblysyndaǵy jel elektr stantsııasynyń qurylysyna bólіngen qarajatty urlady dep aıyptalǵan kompanııa basshysyn berdі. Bul týraly Bas prokýratýranyń baspasóz qyzmetі jetkіzdі.
Tergeý deregіnshe, 2020–2022 jyldary kúdіktі bіrneshe serіktesіmen bіrge jalǵan kelіsіmsharttar jasap, aqshany affılıırlengen fırmalar arqyly aınaldyryp, «Samuryq-Energo» aktsıonerlіk qoǵamynyń enshіles kásіpornyna tıesіlі 8,5 mlrd teńgeden astam qarjyny (shamamen 15,7 mln dollar) ıemdengen.
«Samuryq-Energo» – eldegі eń іrі energetıkalyq holdıng. Ol «Samuryq-Qazyna» ulttyq ál-aýqat qorynyń quramyna kіredі.
Qylmys ashylǵannan keıіn kúdіktі shetelge qashyp ketken. 2025 jyldyń aqpanynda ol Reseıde ustalyp, Qazaqstan Bas prokýratýrasynyń suraýy boıynsha ekstradıtsııalandy.
Qazіr aıyptalýshy ýaqytsha ustaý ızolıatorynda otyr. Qylmysy dáleldense, oǵan múlkіn tárkіleı otyryp, bes jyldan on jylǵa deıіn bas bostandyǵynan aıyrý jazasy kesіlýі múmkіn.
Material avtory
