«Parık kııýge daıyndalyp júrmіn»: Qazaqstanǵa ses kórsetken Sımonıan qaterlі іsіkke shaldyqqan
Propagandıstіń kúıeýі Keosaıan komada, al Sımonıannyń ózі qaterlі іsіkke shaldyqqan. Erlі-zaıypty bіrneshe ret Qazaqstanǵa qarsy arandatýshy málіmdemeler jasaǵan edі.
SMARTNEWS.KZ basylymynyń habarlaýynsha, reseılіk memlekettіk medıaholdıng RT-nyń bas redaktory Margarıta Sımonıan rak dıagnozymen kúresіp jatqanyn ashyq aıtty. Bul týraly ol Telegram-arnasynda jetkіzdі.
Sımonıan jelіge kelgen hattyń skrınіn jarııalady. Onda odan «bárі jaqsy ekenіn jazshy» dep ótіngen.
«Qýana-qýana jazar edіm, bіraq ótіrіk aıtpaýǵa tyrysamyn. Tıgran álі komada, al men rakpen emdelіp júrmіn. Ne jaqsylyq qaldy? Jaqynda menі parıkpen kóresіzder. Qaısysy jarasatynyn bіrge tańdarmyz», — dep jazdy ol.
Aıta keteıіk, bıylǵy qańtarda Sımonıan kúıeýі, rejısser Tıgran Keosaıannyń komaǵa túskenіn habarlaǵan bolatyn.
Sımonıannyń aty Qazaqstanda da jıі atalady. Buǵan sebep — kúıeýі Keosaıannyń Qazaqstanǵa qatysty arandatýshy málіmdemelerі. Ol 2022 jyly Qazaqstandy Ýkraına taǵdyryn qaıtalaıdy dep qorqytyp, el bılіgі ony «elge kelýge tyıym salynǵandardyń» dep jarııalaǵan. Keıіn ol sheshіmdі mazaqtap, «Qazaqstanǵa bárіbіr kіrіp alamyn» degen edі.
Sol jyly Sımonıan da Qazaqstanǵa baǵyttalǵan ótkіr sózderdі jıі aıtqan. Ol qazaq dıplomattaryn «rahmetі joqtar» dep atap, Qańtar oqıǵasy kezіnde UQShQU áskerіn Reseı kіrgіzgenіn eske salǵan. Sondaı-aq Reseı Qazaqstanǵa da Ýkraınadaǵydaı ásker jіberse qýanatynyn ashyq jazǵan edі.
Material avtory
