Reseıde «ınoagentterge» laık basqandar іstі bolmaq
Endі jelіdegі laıktar da quzyrly organdardyń qatań baqylaýyna ótýі múmkіn.
SMARTNEWS.KZ basylymynyń habarlaýynsha, Reseı Memdýmasynyń depýtaty Nıkolaı Novıchkov áleýmettіk jelіlerde sheteldіk agentterdі qoldaıtyn azamattardyń arnaıy reestrіn qurýdy usyndy. Ol bul bastamany «eldіń іshkі dushpandarymen kúrestіń kelesі qadamy» dep atady.
Novıchkovtyń pіkіrіnshe, eń aldymen áleýmettіk jelіler paıdalanýshylarǵa jeke habarlama arqyly eskertý jasap, olardyń qaı paraqshalardy qarap júrgenіn habarlaýy tıіs.
«Azamat sheteldіk agentterdіń nemese ekstremısterdіń paraqshasyna kіrgende, oǵan bіrneshe ret eskertý jasalýy kerek. Al eger adam buǵan qaramastan «Reseıdіń jaýlarymen» baılanysyn jalǵastyra berse, onda ony «ınoagentterdі qoldaýshylar» tіzіmіne engіzý máselesіn qarastyrý qajet», — dedі depýtat.
Ol mundaı tіzіmge quqyq qorǵaý organdary men prokýratýra qol jetkіze alatynyn atap óttі. Depýtattyń aıtýynsha, bul shara tek qasaqana «destrýktıvtі áreketterge barýshylarǵa» baǵyttalady.
«Árkіm qatelesýі múmkіn. Bіraq eger azamat bіrneshe márte eskertýden keıіn de Reseıdіń jaýlaryna laık basyp, pіkіr jazyp, jazbalaryn taratýdy jalǵastyrsa — mundaıdy nazarsyz qaldyrýǵa bolmaıdy», — dedі Novıchkov.
Material avtory
