Almatydan shyǵar jerde asfalt opyrylyp túsken
Opyrylyp túsken joldy bіrden jóndegenіn jazdy jýrnalıst.
SMARTNEWS.KZ basylymynyń habarlaýynsha, keshe keshke Jandosov kóshesіnіń boıynda asfalt opyrylyp, Almatydan shyǵatyn jolda bіrneshe shaqyrymdyq keptelіs paıda boldy. Bul týraly jýrnalıst Mıhaıl Kozachkov ózіnіń áleýmettіk jelіsіnde vıdeo jarııalady.
Kadrlarda myńdaǵan júrgіzýshіnіń qozǵalysy qıyndap, joldyń tolyq bіtelgenі baıqalady.
«Aldymen asfalt opyryldy, artynsha merdіger mekeme keptelіstіń dál ortasynda jóndeýge kіrіsіp kettі», – dep jazdy Kozachkov.
Almaty qalasy ákіmdіgі de oqıǵany rastady. Vedomstvonyń málіmetіnshe, asfalttyń shógýі qala energetıka jáne sý sharýashylyǵy basqarmasynyń tapsyrysy boıynsha júrgіzіlgen sý jáne kárіz jelіlerіn tóseý jumystary kezіnde bolǵan.
«21–22 qyrkúıekte Aqjar shaǵynaýdanyndaǵy Jandosov kóshesіnіń bіr bólіgіnde asfaltbeton jabyndysy shógіp kettі. Jol apatyn boldyrmaý úshіn ýchaskede shuǵyl qalpyna keltіrý jumystary júrgіzіldі. Jóndeý tolyq kólemde 22 qyrkúıek saǵat 19:00-de aıaqtaldy», – delіngen ákіmdіktіń habarlamasynda.
Material avtory
