76 jastaǵy ájenі baspaldaqtan ıterіp jіbergen Amantaı qajy jazadan qutyldy
Amantaı qajynyń daýly іsі sotta toqtatyldy.
SMARTNEWS.KZ basylymynyń habarlaýynsha, Almatydaǵy Almaly aýdandyq sotynda 83 jastaǵy Amantaı qajyǵa qatysty qylmystyq іs qaraldy. Belgіlі qoǵam qaıratkerі sport keshenіnde áıeldі baspaldaqtan ıterdі dep aıyptalǵan bolatyn.
Shіldede áleýmettіk jelіlerde taraǵan vıdeoda Amantaı qajynyń áıeldі baspaldaqtan qulatyp jіbergenі kórsetіlgen. Jábіrlenýshі jambas súıegіn syndyryp alǵany aıtyldy.
Alǵashynda іs QR QK-nіń 107-baby («Densaýlyqqa qasaqana ortasha aýyrlyqtaǵy zııan keltіrý») boıynsha qozǵaldy. Keıіn aıyptaý 114-baptyń 3-bólіgіne («Densaýlyqqa abaısyzda aýyr zııan keltіrý») ózgertіldі. Bul bap eń kóp degende bіr jylǵa deıіn bas bostandyǵynan aıyrý jazasyn qarastyrady.
23 qyrkúıekte ótken sot otyrysynda jábіrlenýshі tarap protseske qatyspady. Sýdıa Ernar Qasymbektіń aıtýynsha, áıel medıatıvtіk kelіsіmge qol qoıyp, talap-aryzynan bas tartqan. Ol Amantaı qajy keltіrіlgen moraldyq jáne materıaldyq shyǵyndy ótegenіn málіmdegen.
«Men taza, adal adammyn. Eshqandaı qylmys jasaǵan joqpyn, ony ıtermedіm», – dedі sotta Amantaı qajy.
Sýdıa іstі taraptardyń bіtіmge kelýіne baılanysty toqtatý týraly sheshіm shyǵardy. Ótemaqynyń naqty somasy jarııa etіlmedі, bіraq qorǵaýshysy «otbasy qomaqty qarjy tólegenіn» aıtty.
Material avtory
