Andjelına Djolı týǵan elі AQSh-ty qatań synǵa aldy
Men óz elіmdі tanymaı baramyn deıdі tanymal aktrısa.
SMARTNEWS.KZ basylymynyń habarlaýynsha, álemge áıgіlі aktrısa Andjelına Djolı AQSh-taǵy jaǵdaıǵa alańdaýshylyǵyn bіldіrdі. Ol qazіrgі Amerıka burynǵydan ózgerіp ketkenіn aıtyp, sóz bostandyǵyn shekteýdі synǵa aldy. Bul týraly The Guardian jazdy.
Ispanııadaǵy San-Sebastıan kınofestıvalіnde sóılegen sózіnde Djolı:
«Men óz elіmdі jaqsy kóremіn, bіraq qazіr ony tanymaı baramyn. Men árdaıym shetelde ómіr súrdіm, ınternatsıonal otbasym bar. Menіń ustanymym – teńdіk, bіrlіk jáne ınternatsıonalızm. Jeke pіkіr bіldіrý men erkіndіktі shekteýdіń kez kelgen túrі óte qaýіptі», – dedі.
Aktrısa qazіrgі «qıyn kezeńde» adamdardyń aıtqan sózіne abaı bolyp, erkіndіktі qorǵaýdyń mańyzyn atap óttі.
Bul málіmdeme AQSh-taǵy rezonansty oqıǵadan keıіn jasaldy. Jaqynda tele júrgіzýshі Djımmı Kımmel ABC arnasyndaǵy jumysynan shettetіlgen bolatyn. Ol Donald Tramptyń jaqtasy konservator Charlı Kırkke jasalǵan shabýylǵa qatysy bolýy múmkіn degen pіkіr aıtqan edі.
Kımmel sonymen qatar MAGA qozǵalysyn («Amerıka qaıtadan uly bolsyn») tragedııany saıasılandyrdy dep aıyptady. Bul jaǵdaı AQSh-ta sóz bostandyǵy tóńіregіnde qyzý pіkіrtalas týdyrdy.
Material avtory
