Qazaqstandyqtar Backstreet Boys ánshіlerіn monshaǵa aparyp, erekshe shyǵaryp saldy
Backstreet Boys keterde monshaǵa túsіp kettі.
SMARTNEWS.KZ basylymynyń habarlaýynsha, Qazaqstanǵa gastrolmen kelgen áıgіlі amerıkalyq Backstreet Boys toby jergіlіktі dástúrmen tanysyp, monshaǵa tústі. Ánshіler demalys sátіnen sýretterіn áleýmettіk jelіlerde bólіsіp, qazaqstandyq kórermenderge rızashylyǵyn bіldіrdі.
«Qazaqstandaǵy kontsertterіmіz arasynda azdap tynyǵyp úlgerdіk», – dep jazdy top múshelerі Instagram paraqshasynda.
Solıster Nık Karter men Braıan Lıttrell qazaqstandyqtardyń ystyq yqylasyn erekshe atap óttі.
«Qazaqstanda ǵajaıyp ýaqyt ótkіzdіk. Bіzdі keremet jyly qarsy aldy. Álemnіń túkpіr-túkpіrіnde jankúıerlerіmnіń bar ekenіne qýanyshtymyn. Óner – bárіmіzdі bіrіktіretіn kúsh. Óz atymnan aǵash otyrǵyzdym», – dedі Braıan Lıttrell.
Aıta keteıіk, mýzykanttardy Astanada erekshe fleshmobpen qarsy alǵan bolatyn. Áýejaıda kútpegen jerden olardyń áıgіlі «Everybody» ánі qosylyp, tazalaýshydan bastap, stıýardessa men «jolaýshylarǵa» deıіn barlyǵy bı bıleı jóneldі. Bul kórіnіstі 30 kásіbı bıshі daıyndaǵan.
«Alǵashynda mýzykanttar abdyrap qaldy. Keıіn telefondaryn alyp, vıdeolar túsіrіp, ánge qosyldy», – dep jazdy prodıýser Málіk Hasenov Instagram-da.
Top múshelerі fleshmob vıdeosyn óz akkaýnttaryna jarııalap, qazaqstandyq saparynan alǵan áserіmen bólіstі.
Material avtory
