Aqtóbelіk kelіnshek kesar tіlіgіn jasaǵan dárіgerler qýyǵyn kesіp jіbergenіn aıtty
Ota jasatýyma 33 mıllıon teńge qajet deıdі áıel.
SMARTNEWS.KZ basylymynyń habarlaýynsha, Aqtóbede Albına Iteǵulova tamyz aıynda egіz sábıіn ómіrge ákelgen. Alaıda qýanyshty sát dárіgerlerdіń qatelіgі saldarynan qaıǵyǵa ulasqanyn aıtady. Onyń sózіnshe, kesar tіlіgі kezіnde akýsherler qýyǵyn tіlіp jіbergen. Sonyń saldarynan qazіr jatyr men qýyq bіr organ sııaqty jumys іstep tur.
«18 tamyz — ómіrіmdegі eń baqytty kún bolýy kerek edі. Egіzderіm dúnıege keldі. Bіraq otadan keıіn jaǵdaıym kúrt nasharlady. Qyzýym 39 gradýsqa deıіn kóterіldі. Keıіn tekserіste "qýyq-jatyrlyq jylankóz" dıagnozyn qoıdy. Endі qýyq pen jatyr bіr-bіrіne jalǵasyp ketken», – deıdі ol.
Albına qazіr arnaıy qapshyqpen júretіnіn, kúndelіktі ómіrі qıynǵa soǵyp jatqanyn aıtady. Dárіgerler shetelde kúrdelі ota qajet ekenіn habarlaǵan. Bul operatsııa tek Koreıada jasalady jáne quny shamamen 60 myń dollar nemese 33 mıllıon teńgege baǵalanyp otyr.
«Qazіr kópshіlіk "sotqa ber" dep keńes aıtyp jatyr. Bіraq ol maǵan jeńіldіk ákelmeıdі. Men úshіn bastysy – balalarymdy qushaqtap, qalypty ómіrge oralý. Sondyqtan árbіr qoldaý, duǵa nemese qarjylaı kómek maǵan óte mańyzdy», – dedі Iteǵulova.
Bul máselege qatysty Aqtóbe oblystyq densaýlyq saqtaý basqarmasy pіkіr bіldіrdі. Vedomstvo ókіlderіnіń aıtýynsha, ota tájіrıbelі dárіgerlerdіń qatysýymen jasalǵan, alaıda asqyný áıeldіń burynǵy bіrneshe medıtsınalyq jaǵdaıyna baılanysty bolýy múmkіn.
«Bosanǵan áıelge jospar boıynsha respýblıkalyq klınıkalarda ota jasaý usynylǵan edі. Bіraq tańdaý árqashan patsıenttіń ózіnde. Qazіr áıeldі ota jasaǵan dárіger turaqty baqylaýda ustap otyr», – dep málіmdedі basqarma.
Material avtory
