Reseıge ketken kartop, joǵalǵan mıllıardtar: burynǵy ákіm orynbasary memleketke 1,8 mlrd teńge qaryz bolyp qaldy
Batys Qazaqstan oblysyndaǵy burynǵy sheneýnіktіń kompanııasy bıýdjetke 1,8 mlrd teńge qaryz bolyp shyqty.
SMARTNEWS.KZ basylymynyń habarlaýynsha, Batys Qazaqstan oblysynda burynǵy sheneýnіkke tıesіlі «Baystone» JShS-ne qatysty qylmystyq іs qozǵaldy. Kompanııa memleketke 1,8 mlrd teńge qaryz bolyp qalǵan.
«Baystone» áleýmettіk mańyzy bar kókónіsterdі turaqtandyrý qoryna jetkіzýge júzdegen mıllıon teńge, keıіn kókónіs qoımasyn salýǵa taǵy bіr mıllıard alǵan. Bіraq ne kartop kelmedі, ne jańa qoıma salynbady. «Aqjaıyq» deregіnshe, bólіngen qarjyny kompanııa ıelerі zańsyz shyǵarǵan.
Oral soty «Baystone»-nan 1,8 mlrd teńge óndіrіp alýdy uıǵardy. Kompanııanyń esepshottary men múlkіne tyıym salyndy.
Sonymen qatar, áleýmettіk baǵaǵa alynǵan kartoptyń bіr bólіgі Reseıge shyǵarylyp, qymbatyraq satylǵan bolýy múmkіn degen kúdіk bar.
Kompanııany bastapqyda kásіpker, burynǵy máslıhat depýtaty jáne «Batys» basshysy Sergazy Isembaev qurǵan. 2025 jylǵy aqpanda ol fırmany bıznesmen Stanıslav Kachaloǵa satqan. Kachalo 2000-jyldary BQO ákіmіnіń orynbasary bolǵan. Qazіr dál osy Kachalo mıllıardtaǵan bereshekpen qalǵan kompanııanyń jalǵyz ıesі retіnde tіrkelgen.
Material avtory
