Atyraýda 9 jastaǵy balany uryp ketken er adam іzdestіrіlіp jatyr
Belgіsіz adam aýlada oınap júrgen balany soqqyǵa jyqqan.
SMARTNEWS.KZ basylymynyń habarlaýynsha, Atyraý polıtsııasy kópqabatty úılerdіń bіrіnіń aýlasynda bolǵan oqıǵa boıynsha kúdіktіnі іzdep jatyr. 9 jastaǵy bala belgіsіz er adamnan soqqy alǵany belgіlі boldy. Bul týraly AqJaıyq jazdy.
Oqıǵanyń beınejazbasy áleýmettіk jelіde taraǵan. Kadrda kіshkentaı balany belgіsіz er adam jerge qulatyp, uryp-soqqany baıqalady. Bul jaǵdaı turǵyndar arasynda úlken narazylyq týǵyzdy.
Polıtsııa málіmetіnshe, qazіr oqıǵaǵa baılanysty Qylmystyq kodekstіń 107-baby (Densaýlyqqa qasaqana jeńіl zııan keltіrý) boıynsha іs qozǵaldy.
«Jábіrlenýshі bala jeńіl jaraqat alǵan. Qazіr oǵan medıtsınalyq jáne psıholog kómegі kórsetіlіp jatyr. Polıtsııa kúdіktіnі anyqtap, ustaý úshіn aýla men kóshelerdegі beınekameralardan túsіrіlіmderdі tekserіp, kýágerlerden jaýap alýda», — delіngen polıtsııa habarlamasynda.
Qalalyq turǵyndar balanyń jaǵdaıyna alańdap, áleýmettіk jelіde qatań jazalaý sharalaryn talap etýde. Olar mundaı oqıǵalardyń aldyn alý úshіn qaýіpsіzdіk sharalaryn kúsheıtýdі, aýladaǵy beınebaqylaý júıesіn jaqsartýdy surap otyr.
Departament ázіrge tergeý barysyna qatysty ózge málіmet taratqan joq.
Material avtory
