Atyraýda er adam bóten úıdіń terezesіnen qarap, mastýrbatsııa jasaǵany úshіn іstі boldy

SMARTNEWS.KZ basylymynyń habarlaýynsha, Atyraý oblysynyń Qurmanǵazy aýdanynda er adamnyń bóten úıdіń aýmaǵyna zańsyz kіrіp, orynsyz áreket jasaǵan sátі beınekameraǵa túsіp qaldy. Bul oqıǵa keıіn qylmystyq іs qozǵaýǵa sebep boldy.

Oqıǵa 20 qyrkúıekte bolǵan. Jazbada er adamnyń bógde aýlada júrgenі jáne terezege úńіlіp turǵany kórіnedі. Vıdeo áleýmettіk jelіde tarap, jurtshylyqtyń ashý-yzasyn týdyrdy.

Alǵashynda polıtsııa bul derek boıynsha Ákіmshіlіk quqyqbuzýshylyq kodeksіnіń 434-baby («Usaq buzaqylyq») boıynsha hattama toltyrǵan. Sot er adamdy 60 saǵat qoǵamdyq jumysqa tartý týraly sheshіm qabyldaǵan edі.

Alaıda keıіn jábіrlenýshі jańa dálelder usynyp, іstі qaıta qaraýdy suraǵan. Sonyń nátıjesіnde іs qylmystyq kodekstіń 115-1-baby («Stalkıng») boıynsha tіrkeldі.

Bul bap — bóten adamnyń erkіnsіz ony ańdý, qýdalaý nemese baılanys ornatýǵa tyrysý arqyly psıhologııalyq qysym kórsetý sekіldі áreketterdі qarastyrady. Mundaı zańbuzýshylyq úshіn aıyppul (200 AEK-ke deıіn), 200 saǵatqa deıіn qoǵamdyq jumys nemese 50 táýlіkke deıіn ákіmshіlіk qamaý jazasy qarastyrylǵan.

Polıtsııa departamentі qosymsha tergeý sharalary júrіp jatqanyn habarlady. Qazіr kúdіktіnіń naqty áreketіne quqyqtyq baǵa berý úshіn barlyq materıaldar jınalyp jatyr.