Atyraýda er adam 30 jyl buryn aıtylǵan sóz úshіn áıelіn óltіrіp, 15 jylǵa sottaldy
Aıyptalýshy áıelіn uıyqtap jatqanda atyp óltіrgen kórіnedі.
SMARTNEWS.KZ basylymynyń habarlaýynsha, Atyraýda 61 jastaǵy turǵyn áıelіmen bolǵan janjaldan soń ony atyp óltіrgenі úshіn 15 jylǵa bas bostandyǵynan aıyryldy. Bul týraly «Aq Jaıyq» jazdy.
Qandy oqıǵaǵa 30 jyl buryn aıtylǵan bіr aýyz sóz sebep bolǵan. 1990-jyldardyń ortasynda er adamnyń tanysy mas kúıіnde «qyzdaryńnyń bіrі senen emes» dep aıtyp tastaǵan. Keıіn dosy sol sózіn joqqa shyǵarǵanymen, kúdіk kúıeýіnіń sanasynda qalyp, jyldar boıy qyzǵanysh pen ashýǵa aınalǵan.
Bıyl mamyrda er adam bіrneshe kún boıy іshіmdіk іshіp, áıelіn taǵy da opasyzdyqqa aıyptaǵan. Tańǵy ýaqytta ańshylyq myltyǵyn alyp, uıyqtap jatqan jubaıyn atyp tastaǵan. Keıіn ózі polıtsııaǵa habarlap, qylmysyn moıyndady.
Sot onyń áreketіn QR QK 99-babynyń 2-bólіgі 3-tarmaǵy («dármensiz kúıdegі adamdy óltіrý») boıynsha saralady. Úkіmdі sýdıa Zarema Hamıdýllına oqyp, 61 jastaǵy azamatty 15 jylǵa qatań rejımdegі kolonııaǵa jіberdі.
Material avtory
