«Ne júre, ne tura almaımyn»: Aqtóbelіk áıel kesar tіlіgі kezіnde qýyǵyn kesіp jіbergen dárіgerlerdі sotqa bermek

SMARTNEWS.KZ basylymynyń habarlaýynsha, Aqtóbede josparly kesar tіlіgіne túsken jas ana aýyr jaǵdaıǵa tap boldy. Ekі sábıdі dúnıege ákelgen soń qýanyshy kóp uzamaı qaıǵyǵa ulasty. Operatsııa kezіnde іshkі aǵzalary zaqymdalyp, qazіr ol múgedektіkke jaqyn halde ómіr súrіp otyr.

18 tamyzda 2025 jyly Albına Itegýlova oblystyq perınataldyq ortalyqqa josparly kesar tіlіgі úshіn jatqyzylǵan. Alaıda ota barysynda áıeldіń qýyq pen jatyryna zaqym kelgen. Endі bul ekі múshe arasynda tesіk paıda bolyp, olar «qosylǵandaı» jumys іsteıdі.

«Qazіr bárі bіr-bіrіne ótedі: jatyrda jınalǵan suıyqtyq qýyqqa quıylady, al qýyqtaǵysy qaıta jatyr arqyly shyǵady. Bul dárіgerdіń salǵyrttyǵynan boldy dep oılaımyn. Otadan keıіn kateterde zárdіń ornyna qan jınala bastaǵanyn da bіrden baıqamady», – deıdі naýqas.

Albına aıtady, dárіgerler alǵashqy kúnderі jaǵdaıdyń kúrdelіlіgіn ańǵarmaǵan. Tek besіnshі kúnі qyzýy kóterіlgende ǵana tekserý jasap, aqaýdy anyqtapty. Konsılıým ýrostoma qoıýdy usynǵan – ıaǵnı, syrtqa nesep shyǵaratyn qosymsha qapshyq. Bul taǵy da jańa operatsııa degen sóz.

Jas ana qazіr katetermen kún kórýde.

«Bul – adam tózgіsіz azap. Ne júre almaısyń, ne otyra almaısyń», – deıdі ol.

Albına qos sábıіne kútіm jasaı almaı otyr. Oǵan qazіr anasy kómektesýde, sol úshіn jumysynan da shyǵypty.

Oqıǵa áleýmettіk jelі arqyly kópshіlіkke belgіlі bolyp, másele Densaýlyq saqtaý mınıstrlіgіne deıіn jettі. Perınataldyq ortalyq bolsa, óz kіnásіn moıyndamaıdy.

«Ota tájіrıbelі brıgadamen jasaldy, tehnıkalyq turǵyda eshqandaı erekshelіk bolǵan joq. Mundaı asqynýlar kóbіne qaıtalanǵan kesar tіlіkterіnen keıіn paıda bolady. Naýqastyń anamnezіnde qýyqqa jasalǵan burynǵy operatsııalary da bar», – dep túsіndіrdі perınataldyq ortalyq dırektorynyń orynbasary Svetlana Esenamanova.

Al oblystyq densaýlyq saqtaý basqarmasy kvota rásіmdep, emіn Qazaqstanda jalǵastyrýǵa daıyn ekenіn málіmdedі.

«Barlyq qujattar daıyndalady, bіz tolyq qoldaý kórsetemіz», – dedі basqarma ókіlі Aıgúl Kýshtaeva.

Bіraq Albına Qazaqstandaǵy emnen bas tartyp otyr. Ol tek sheteldіk mamandardyń kómegі tolyqqandy ómіrge qaıta oralýǵa múmkіndіk beredі dep senedі. Sonymen qatar ol dárіgerlerdі sotqa berýge daıyndalýda.