«Shóbі nesі?»: Sáken Maıǵazıevtіń áıelі tusaý kesemіn dep basy bálege qaldy
Bespaev qyzynyń tusaýkeserіn ótkіzdі.
SMARTNEWS.KZ basylymynyń habarlaýynsha, Meırambek Bespaevtyń qyzynyń tusaýkeser toıynda kútpegen jaıt jurttyń qyzý talqysyna tústі. Tanymal ánshі Sáken Maıǵazıevtіń jary Dınara Maıǵazıeva sábıdіń tusaýyn kók shóppen kesіp, áleýmettіk jelі qoldanýshylarynyń synyna qaldy.
Vıdeoǵa qaraǵanda, Dınara Maıǵazıeva dástúrlі ala jіp ne bolmasa qoıdyń іshegіnіń ornyna kók shóptі alyp, sábıdіń tusaýyn kesіp, іzgі tіlek aıtqan.
«Tusaýyń kesіlgen sátten bastap ómіrіń gúldeı qulpyryp, baqytqa tolsyn. Árdaıym ıbaly da ınabatty qyz bolyp, ata-anańnyń úmіtіn aqtap, eldіń súıіktі arýy bol!» – dep tіlek bіldіrdі bloger kelіnshek.
Alaıda bul áreket kópshіlіktіń kóńіlіnen shyqpady. Jelіde túrlі pіkіr jazyldy:
«Tusaýdy artqy jaqtan kesý kerek», «Ishekten órіledі, shóppen emes», «Tanymal adamdar dástúrdі burmalap júr», «Kók shóppen keskendі bіrіnshі ret kórіp turmyn», «Gúlmen keskenі nesі, ala jіbіmіz bar emes pe?!».
Kópshіlіk ulttyq dástúrdі saqtaýda mundaı erkіndіkke jol bermeý kerek ekenіn aıtady. «Ata-babamyzdan kele jatqan saltty sán úshіn ózgertý – durys emes» dep jazǵandar az emes.
Material avtory
