Astanadaǵy qoıshy avtovokzaldy úsh ret «jarmaq boldy»
Qoıshy túrmege túsý úshіn úsh ret jurtty dúrlіktіrgen.
SMARTNEWS.KZ basylymynyń habarlaýynsha, Astanada sot úsh ret jalǵan habarlaǵan er adamǵa úkіm shyǵardy. Ol 112 qyzmetіne qońyraý shalyp, avtovokzalǵa bomba qoıylǵany týraly bіrneshe ret habarlaǵan. Nátıjesіnde 65 jastaǵy er adam ekі jylǵa bas bostandyǵynan aıyryldy.
Sot deregіnshe, ol buryn da dál osyndaı qylmysy úshіn ekі ret sottalǵan. Tamyz aıynda qaıtadan qońyraý shalyp, jarylǵysh zat qoıyldy dep málіmdegen. Oqıǵa ornyna shuǵyl qyzmet ókіlderі shyqqanymen, aqparat jalǵan bolyp shyqty.
Sot otyrysynda er adam kіnásіn moıyndap, áreketіn turmystyq jaǵdaıymen túsіndіrdі. Onyń aıtýynsha, baspanasy joq, al kolonııada tegіn tamaq pen kıіm bar.
«Sot onyń burynǵy qylmystarynan sabaq almaǵanyn eskerіp, qatań jaza taǵaıyndady», — delіngen resmı aqparatta.
Endі ol jazasyn qatań rejımdegі kolonııada óteıdі.
Material avtory
