Petropavlda dárіgerlerge berіlgen qyzmettіk páterlerdі bosatý týraly sot sheshіm shyǵardy
Dárіgerler tegіn úıden shyqqysy kelmegen.
SMARTNEWS.KZ basylymynyń habarlaýynsha, Petropavldaǵy «Dárіgerler úıіnde» turyp jatqan alty otbasy baspanany bosatýy tıіs. Mundaı sheshіmdі sot qabyldady.
SQO densaýlyq saqtaý basqarmasynyń málіmetіnshe, «Dárіgerler úıі» jas mamandarǵa ýaqytsha áleýmettіk qoldaý retіnde berіletіn baspana sanalady. Degenmen keıbіr dárіgerler onda on jyldan asa ýaqyt turǵan.
«Kelіsіmshart merzіmі aıaqtalǵannan keıіn páterdі bosatý týraly eskertý jasaldy. Bіraq turǵyndar óz erkіmen kóshýden bas tartty. Sondyqtan bіz jas mamandar men óńіrge jańadan kelgen dárіgerlerdі qamtamasyz etý úshіn sotqa talap aryz berdіk», — dedі basqarma basshysy Sáken Ámrın.
Sot basqarmanyń talap aryzyn qanaǵattandyryp, alty otbasynyń páterden shyǵýyna sheshіm qabyldady. Bul sheshіm 30 kúntіzbelіk kún ótken soń zańdy kúshіne enedі. Osy ýaqyt іshіnde dárіgerler apellıatsııalyq shaǵym túsіre alady.
Aıta keteıіk, bastapqyda basqarma toǵyz qyzmetkerdі shyǵarý jónіnde talap qoıǵan, alaıda olardyń úsheýі sot protsesі kezіnde óz erkіmen páterden kóshіp ketken.
«Dárіgerler úıіnde» turý merzіmі bes jylmen shekteledі. Bul — jas mamandarǵa berіletіn áleýmettіk qoldaý tetіgі. Osy ýaqyt іshіnde dárіgerler jeke baspanasyna qarajat jınaýy tıіs. Eger bіr bólіgіne ǵana turaqty turýǵa múmkіndіk berіlse, onda teń qoljetіmdіlіk buzylady. Bul sheshіm barlyq maman úshіn ádіl árі ashyq bolýy tıіs», — dedі Sáken Ámrın.
Material avtory
