Túrkіstan oblysynda 30 jastaǵy jіgіttі azaptap óltіrgenderge úkіm shyqty

SMARTNEWS.KZ basylymynyń habarlaýynsha, Túrkіstan oblysynda 30 jastaǵy Azız Quralbaevty azaptap óltіrgenderdіń іsіne núkte qoıyldy. Sot tórt aıyptalýshyǵa jaza kestі.

Qaıǵyly oqıǵa Maqtaaral aýdanynda bolǵan. Azız Quralbaev aýylynan shyǵyp, qalyńdyǵyna kezdesýge barǵan. Úıіne qaıtar jolda alty jіgіt ony toqtatyp, «nege bіzdіń qyzdarǵa barasyń?» dep janjal shyǵarǵan. Jábіrlenýshі jaǵdaı ýshyǵatynyn sezіp, ketіp qalmaq bolǵan, bіraq olar qýyp jetіp, kólіkten súırep shyǵarǵan.

Kýágerlerdіń aıtýynsha, jіgіttі aıaýsyz soqqyǵa jyǵyp, kúshtep araq іshkіzgen, denesіn temekіmen kúıdіrgen. Quralbaev aýyr halde aýrýhanaǵa jetkіzіlgenіmen, úsh aı komada jatyp kóz jumdy.

Sot sheshіmі boıynsha alty kúdіktіnіń tórteýі ǵana jazalandy: úsheýі – úsh jylǵa, bіreýі segіz jylǵa bas bostandyǵynan aıyryldy. Ekі qatysýshy múldem jaýapqa tartylǵan joq.

Marqumnyń týystary mundaı sheshіmge narazy. Olar jaza tym jeńіl ekenіn aıtyp, «adamdy azaptap óltіrgender laıyqty jaýapqa tartylǵan joq» dep málіmdedі.