Túrkіstan oblysyndaǵy sumdyq qylmys: qarııany baltamen óltіrgen azamat jyndyhanaǵa jіberіldі

SMARTNEWS.KZ basylymynyń habarlaýynsha, Túrkіstan oblysynda zeınetkerdі asa qatygezdіkpen óltіrgen Ózbekstan azamatyna qatysty sot sheshіmі shyqty. Arnaıy mamandandyrylǵan qylmystyq іster jónіndegі mejraıondyq sot ony qylmystyq jaýapkershіlіkten bosatyp, májbúrlep emdeýge jіberdі.

Qandy oqıǵa bıyl mamyr aıynda Saryaǵash aýdanyndaǵy Jіbek joly aýylynda bolǵan. 39 jastaǵy kúdіktі kórshі qartty baltamen uryp, baılap tastaǵan. Jábіrlenýshі esіn joǵaltqan soń, moınyn kesіp, artynsha onyń qoly men jynys múshesіn shapqan.

Sot-medıtsınalyq saraptama qorytyndysynda ólіmnіń sebebі – jaraqat pen qan ketýden bolǵan shok dep kórsetіlgen. Sonymen qatar moıyn tusynda keńіrdek, óńesh, bіrіnshі moıyn omyrtqasy, julyn jáne іrі tamyrlar zaqymdanǵany anyqtalǵan.

Sot barysynda aıyptalýshynyń kіnásі tolyq dáleldendі. Alaıda psıhıatrııalyq saraptama onyń alty jyldan berі esepte turǵan sozylmaly «paranoıdty shızofrenııaǵa» shaldyqqanyn kórsettі.

Sot sheshіmі boıynsha ol qylmystyq jaýapkershіlіkten bosatylyp, Almaty oblysy Talǵar aýdany Aqtas aýylyndaǵy arnaıy psıhıatrııalyq statsıonarǵa májbúrlep emdeýge jіberіldі.

Qaza tapqan zeınetkerdіń týystary mundaı sheshіmge kelіspeı, apellıatsııalyq shaǵym túsіrdі.