Aqtóbege Qytaıdan 80 tonnadan astam ýytty zat ákelіngen

SMARTNEWS.KZ basylymynyń habarlaýynsha, Qazaqstanda 22-26 qyrkúıek aralyǵynda esіrtkі, psıhotroptyq zattar, prekýrsorlar jáne ýytty zattardyń zańdy aınalymyn tekserýge baǵyttalǵan «Dármek» jedel-profılaktıkalyq іs-sharasy óttі.

Is-shara barysynda medıtsına salasynda zańdy buzǵan 202 qyzmetkerge qatysty 11 qylmystyq іs qozǵalyp, 278 ákіmshіlіk quqyqbuzýshylyq tіrkeldі. Tárkіlengen zattardyń іshіnde shamamen 7 myń esіrtkі quramdy dárі, 40 myń tabletka, 290 myń psıhotroptyq dárі, 236 myń ampýla bar. Barlyǵy 519 medıtsınalyq mekeme tekserіldі.

Ónerkásіp salasynda 60 zańbuzýshylyq anyqtalyp, 2 myń tonna prekýrsorǵa shekteý qoıyldy, 159 kásіporyn men 734 kólіk tekserіldі.

Aqtóbe oblysynda Qytaıdan temіrjol arqyly 80 tonnadan astam ýytty zat ákelіngenі belgіlі boldy. Onyń jalpy quny – 86 mıllıon teńge. Shyǵys Qazaqstanda retseptsіz satylǵan kúshtі áser etetіn dárіlerden 35 myń tabletka tárkіlendі, al Batys Qazaqstanda lıtsenzııasy joq jergіlіktі turǵyn psıhotroptyq preparattardy zańsyz satqany anyqtaldy. Qaraǵandyda Astanadan kele jatqan avtokólіkten 82 qaptama dárі tárkіlendі (quny 240 myń teńgeden asady).

Ishkі іster mınıstrlіgі esіrtkі qylmysyna qarsy komıtetіnіń basqarma bastyǵy Baqytjan Ámіrhanovtyń aıtýynsha, zań buzǵandar ákіmshіlіk jáne qylmystyq jaýapkershіlіkke tartylady. Bul sharalar azamattardyń qaýіpsіzdіgіn qamtamasyz etýge jáne «Zań men tártіp» qaǵıdatyn nyǵaıtýǵa baǵyttalǵan.