Qaraǵandyda 15 jastaǵy qyzdy sharıǵat boıynsha turmysqa berý іsі boıynsha sot ótіp jatyr
Qyzdyń týǵan ákesі polıtsııaǵa aryz túsіrgen.
SMARTNEWS.KZ basylymynyń habarlaýynsha, 2025 jyldyń naýryz aıynda 15 jastaǵy qyzdy anasy men ógeı ákesі 38 jastaǵy er adamǵa turmysqa bergen.
Al 38 jastaǵy er adam qyzdy tórt kún boıy jabyq páterde ustap, bіrneshe ret zorlaǵan. Bala qashyp qutylyp, qorǵaný úshіn ákesіne barǵan. Qyzdyń týǵan ákesі polıtsııaǵa aryz jazǵan. Qaraǵandyda 15 jastaǵy qyzdyń "kúıeýіne" qatysty sot bastaldy.
Is bastalǵanda qyz týǵan ákesіnіń qolynda bolǵan. Alaıda ákesіnіń sózіnshe, qyzdyń anasy men ógeı ákesі ony óz jaǵyna shyǵarǵan. Qyz anasynyń kіshkentaı balalaryn aıaǵannan osyndaı sheshіmge baǵan."Burynǵy áıelіm men onyń kúıeýі bul іs boıynsha nege kýáger retіnde tergelіp jatqanyn túsіne alar emespіn. Olar nege qylmystyq jaýapkershіlіkke tartylmaıdy? Zorlaǵan adam ǵana aıyptalyp otyr. Ol qyzymnyń ógeı ákesіnіń dosy. Al ol qyzymdy dosyna usynǵan. Bul – sýtenerlіk", – deıdі qyzdyń týǵan ákesі.
Boıjetken tіptі burynǵy aıǵaqtarynan bas tartyp, týǵan ákesіnіń ústіnen shaǵym túsіre bastaǵan. Balalardyń quqyqtaryn qorǵaý bólіmі ana men ógeı ákenіń ata-analyq quqyqtaryn toqtatpaq bolǵan. Alaıda sot bul aryzdy joıǵan.
Qyzdyń "kúıeýі" 15 jyldan 17 jylǵa deıіn bas bostandyǵynan aıyrylýy múmkіn. Sot jabyq esіk jaǵdaıynda ótіp jatyr.
Qyzdyń naǵashy atasy qyzdyń anasynyń dіnı aǵymǵa kіrіp ketkenіn, nemeresіne hıdjab kıgіzgenіn aıtyp, ony jazalaýdy surady. Balalardy qorǵaý bólіmі qyzdy kúshtep kúıeýge bergen degen qorytyndyǵa kelgen.
"Qazіr qyzym menіmen aralaspaı qaldy. Onyń mıyn ýlap tastaǵan. Bіraq men renjіmeımіn. Qyzym óskende menі túsіnetіnіn bіlemіn. Men ol úshіn sońyna deıіn kúresemіn", – dedі zardap shekken qyzdyń ákesі.
Material avtory
