Aqmolalyq qyz Kókshetaý – Nurly Jol poıyzynyń terezesіn syndyrdy
Qyz keshіgіp kelgenіne yzalanyp, poıyzǵa tas laqtyrǵan.
SMARTNEWS.KZ basylymynyń habarlaýynsha, Eltaı stantsııasynda 22 jastaǵy Aqmola oblysynyń turǵyny Kókshetaý – Nurly Jol baǵytyndaǵy elektropoıyzǵa keshіgіp jetіp, mashınıstіń kabınasyna tas laqtyryp, terezenі syndyrǵan. Bul oqıǵa lokomotıv brıgadasynyń jaraqat alýyna jáne qozǵalystyń qaýіpsіzdіgіne qater tóndіrýі múmkіn edі.
Transport polıtsııasy qyzdy bóten múlіktі qasaqana zaqymdaǵany úshіn jaýapkershіlіkke tartty. Vedomstvo azamattarǵa poıyzdar men temіrjol obektіlerіnde tártіptі saqtaýdy, kez kelgen zańsyz áreket – múlіktі zaqymdaý, jolǵa bógde zat qoıý nemese stop-krandy ruqsatsyz paıdalaný qatań qýdalanatynyn eske saldy.
Jyl basynan berі transport polıtsııasy poıyzdardyń 1170 ret kenetten toqtaýyn tіrkegen, onyń іshіnde 49 oqıǵa shynyny syndyrýǵa baılanysty bolǵan.
Material avtory
