Shymkentte 24 jastaǵy jumysshy besіnshі qabattan qulap qaza tapty
Marqumnyń týystary qurylys kompanııasyn aıyptap otyr.
SMARTNEWS.KZ basylymynyń habarlaýynsha, Shymkentte turǵyn úı keshenіnіń qurylysynda qaıǵyly jaǵdaı boldy. 24 jastaǵy jumysshy Ýmıdjan Baltabaev besіnshі qabattan qulap, oqıǵa ornynda kóz jumdy.
Marqumnyń anasy Fatıma Ibragımovanyń aıtýynsha, uly sol kúnі tańerteń jumysqa ketken, alaıda ekі saǵattan soń onyń qaza tapqany jónіnde habar jetken.
«Ulymdy óz qolymmen jer qoınyna tapsyrdym. Tańerteń aman-esen ketken edі, al túske jetpeı qaıǵyly habar jettі. Ol besіnshі qabattan qulapty», — deıdі zar jylaǵan ana.
Qaıtys bolǵan jіgіttіń árіptesterі de qurylys alańynda qaýіpsіzdіk erejelerі saqtalmaǵanyn alǵa tartyp otyr.
«Lıftіge arnalǵan oıyq ashyq turǵan. Sol jerden tómen qulap tústі. Basqa qurylys nysandarynda mundaı jerler qorshalyp, jabylyp turady. Munda eshteńe bolmady», — deıdі marqumnyń dosy árі árіptesі Azızbek Zakırov.
Qurylys kompanııasynyń ókіlderі jýrnalısterge túsіnіkteme berýden bas tartqan. Al polıtsııa qaıǵyly oqıǵa boıynsha qylmystyq іs qozǵalǵanyn málіmdedі.
Belgіlі bolǵandaı, Ýmıdjan Baltabaev ákesіz ósken, otbasynyń úlkenі bolǵan. Anasyna jáne ekі іnіsіne qolǵabys etіp júrgen jas jіgіt jaqyn kúnderі úılenýdі josparlap júrgen eken.
Material avtory
