Reseıde Baqtııar Zaınýtdınovtyń reseılіk klýbqa aýysýy túsіnbestіk týdyrdy
Onyń «Beshіktashtan» máskeýlіk «Dınamoǵa» aýysýyn reseılіkter synap jatyr.
SMARTNEWS.KZ basylymynyń habarlaýynsha, fýtboldan Qazaqstan quramasynyń oıynshysy Baqtııar Zaınýtdınovtyń «Beshіktashtan» máskeýlіk «Dınamoǵa» aýysýy Reseıde synǵa alyndy.
Burynǵy «Dınamo» qorǵaýshysy Vıtalıı Dıakov transfer sheshіmіn qoldamaıtynyn jetkіzdі.
«Shynyn aıtsam, Baqtııardyń «Dınamoǵa» aýysqanyn túsіnbedіm. Bul komandaǵa ol qanshalyqty qajet? Árıne, Karpın ony jaqsy bіledі, bálkіm soǵan sengen shyǵar. Bіraq menіńshe, shabýyl shebіne, ásіrese shabýyldaýshy jartylaı qorǵaýshy kerek edі. Karrasaldyń ornyna sondaı oıynshyny alý durysyraq bolatyn», – dedі Dıakov.
Aıta keteıіk, 27 jastaǵy Zaınýtdınov 2025 jyldyń jazynda «Dınamoǵa» 2,5 mıllıon eýroǵa satyp alynǵan. Qazіrgі ýaqytta ol jańa klýbynyń sapynda segіz match ótkіzіp, ázіrge nátıjelі áreketterіmen kózge túspedі.
Material avtory
