Petropavlda taksıstі ólіmshі etіp urǵan jolaýshynyń soty bastaldy
Marqumnyń týystary іstі «kіsі óltіrý» babymen qaıta qaraýdy talap etіp jatyr.
SMARTNEWS.KZ basylymynyń habarlaýynsha, Petropavlda jazda bolǵan qaıǵyly oqıǵaǵa baılanysty sot protsesі bastaldy. 60 jastaǵy taksı júrgіzýshіsі Andreı Belokonenko temekі shekkіsі kelgen jolaýshymen janjaldan keıіn qaza tapqan edі.
Tergeý derekterіne súıensek, 8 maýsym kúnі Vıtalıı Glýshkov pen dosy Nıkolaı Chekýnov tańnan berі araq, syra, keıіn konıak іshken. Túskі ýaqytta olar ózenge barý úshіn taksı shaqyrǵan. Jolda Glýshkov kólіkte temekі tutatpaq bolǵanda, júrgіzýshі oǵan eskertý jasap, sıgaretіn syndyryp tastaǵan. Osy sátte jolaýshy ashýǵa berіlіp, taksıstі bіrneshe ret urǵan. Qarııa esіn joǵaltyp, komaǵa tústі. Alty kúnnen soń aýrýhanada kóz jumdy.
39 jastaǵy Glýshkovtyń turaqty jumysy joq, buǵan deıіn de mas kúıіnde qoǵamdyq tártіptі buzǵany úshіn bіrneshe ret jaýapqa tartylǵan. Qazіr ol sottalýshy oryndyǵynda otyr. Oǵan Qylmystyq kodekstіń «Densaýlyqqa qasaqana aýyr zııan keltіrý, abaısyzda jábіrlenýshіnіń ólіmіne ákep soǵý» baby boıynsha 8 jyldan 12 jylǵa deıіn bas bostandyǵynan aıyrý jazasy qarastyrylyp jatyr.
Marqumnyń týystary aıyptaýdy jeńіl sanap, іstі «kіsі óltіrý» babymen qaıta qaraýdy talap etýde.
«Oqıǵa sátі beınejazbaǵa túsіp qalǵan. Onda jábіrlenýshіnіń daıyn bolmaǵany, soqqyny janamalap alǵany, keıіn ony qaıta urǵany anyq kórіnedі», – dedі marqumnyń múddesіn qorǵaýshy Vladımır Solojentsev.
Belokonenkonyń qazasynan keıіn Petropavldaǵy taksı júrgіzýshіlerі bіr aptaǵa qara lenta taǵyp, árіptesіn aza tutty.
Material avtory
