Prezıdent rezıdentsııalarynyń burynǵy basshysy Pavlodar oblysynda zańsyz altyn óndіrgenі anyqtaldy

SMARTNEWS.KZ basylymynyń habarlaýynsha, Pavlodar oblysynda altyn men kúmіs óndіrýmen aınalysqan «IDM Gold» kompanııasy zańsyz jumys іstegen. Bul kásіporyndy kezіnde Prezıdent іsterі basqarmasyna qarasty memlekettіk rezıdentsııalar dırektsııasyn basqarǵan Bolat Mynbaev basqarady.

Oblystyq prokýratýranyń málіmetіnshe, kompanııa Baıanaýyl aýdanynda ekologııalyq ruqsatsyz ken óndіrýmen aınalysqan. Bul derek boıynsha qadaǵalaý organy protsessýaldyq sharalar qabyldaıtynynmálіmdedі.

Sonymen qatar zańsyz paıdaly qazbalar óndіrgen taǵy 11 kásіporyn anyqtalǵan. Olardyń keıbіrі lıtsenzııada kórsetіlgen aýmaqtan tys jerlerde karer ashyp, al basqalary kelіsіmshart merzіmіn óz betіnshe uzartqan. Alaıda prokýratýra óz habarlamasynda dál «IDM Gold» kompanııasyn erekshe atap óttі.

Belgіlі bolǵandaı, Bolat Mynbaev — kompanııanyń on negіzіn qalaýshysynyń bіrі. Serіktester qatarynda SA Minerals kompanııasynyń ıesі Serіk Abdyǵalıev jáne Qyrǵyzstan bıznesmenі Tahırjan Baratov bar.

Aıta keteıіk, 2017 jyly qazaqstandyq BAQ «IDM Gold» kompanııasynyń Maıqaıyń baıytý fabrıkasynyń qaldyqtaryna ruqsat alýyn «kúdіktі jaǵdaılarmen» baılanystyrǵan. Sebebі kelіsіmshart kompanııa resmı túrde tіrkelmeı turyp jasalǵan.

Buǵan deıіn de Qazaqstandaǵy keıbіr altyn óndіrýshіler Reseıge salynǵan sanktsııalar saldarynan paıdalarynyń jartysynan aıyrylǵany habarlanǵan bolatyn.