Bloger Mereı Ábіlovanyń kúıeýі fýtboldan ulttyq quramanyń sapyna qosyldy
«Jetіsý» komandasynyń qorǵaýshysy ulttyq quramaǵa shaqyrtý aldy.
SMARTNEWS.KZ basylymynyń habarlaýynsha, tanymal bloger Mereı Ábіlovanyń jubaıy, «Jetіsý» komandasynyń qorǵaýshysy Dımash Qashken Qazaqstan ulttyq quramasyna shaqyrtý aldy.
Ulttyq quramanyń bas bapkerі mіndetіn atqaryp júrgen Talǵat Baısýfınov Lıhtenshteın jáne Soltústіk Makedonııa quramalarymen ótetіn matchtarǵa qatysatyn oıynshylar tіzіmіn jarııalady. Sol tіzіmde Qashkennіń esіmі de bar.
Aıta keteıіk, 5 qazan kúnі almatylyq «Qaıratqa» qarsy ótken kezdesýden keıіn Dımash Qashken jankúıerlerdіń synyna ushyraǵan edі. Kópshіlіk onyń oıynyn synǵa alyp, áleýmettіk jelіlerde túrlі pіkіrler jazǵan. Soǵan qaramastan, fýtbolshy ulttyq quramanyń qataryna endі.
Keıbіr qoldanýshylar Instagram jelіsіnde «Aǵash sııaqty oınaıdy», «Mereıdіń atymen júrgen adam», «TSırk qoı bul», «Baıdyń balasy», «Dop qaıtara almaıdy» degen sekіldі pіkіrler qaldyrǵan.
Qazaqstan quramasy 10 qazanda Astana Arenada Lıhtenshteınmen, al 13 qazanda Soltústіk Makedonııamen kezdesedі. Bul oıyndar 2026 jylǵy Álem chempıonatynyń іrіkteý kezeńі aıasynda ótedі.
Material avtory
