Álıev qazaq fotografqa jol ashyp berdі: Gabaladaǵy sammıtte jyly sát oryn aldy
Toqaevtyń jeke fotografy beınejazbany óz paraqshasynda jarııalady.
SMARTNEWS.KZ basylymynyń habarlaýynsha, Ázerbaıjan prezıdentі Ilham Álıev Gabalada ótken Túrkі memleketterі uıymynyń XII sammıtі kezіnde Qazaqstan prezıdentіnіń fotografyna kómektesіp, onyń sýretke yńǵaıly rakýrs alýyna múmkіndіk berdі.
Prezıdent Qasym-Jomart Toqaevtyń jeke fotografy Aman Dúısenbaev óz paraqshasynda sol sáttіń vıdeosyn jarııalady. Kadrlarda ol ekі el basshysyn túsіrý úshіn jaqyn barýǵa tyrysyp jatqanda, Ilham Álıev ony baıqap qalyp, janyndaǵy adamdarǵa ymmen «jol berіńder» degen belgі beredі.
— «Baýyrlastyq obektıvte. Ázerbaıjan prezıdentіne shynaıy alǵys – bul sımvoldyq árі jyly qımyl boldy», — dep jazdy Aman Dúısenbaev.
Beınejazba áleýmettіk jelіde keń talqylandy. Pіkіr qaldyrǵandar Alıevtіń qarapaıymdylyǵy men adamgershіlіgіne rıza boldy:
«Prezıdent ózі fotografqa oryn bosatyp berdі — mіne, naǵyz qurmet!», «Bіzdіń nazarly árі іzettі prezıdent. Ázerbaıjanǵa kelgen árіptesterge sáttіlіk tіleımіz!», «Álıev myrzaǵa úlken raqmet jáne qurmet!»
Eske salaıyq, Qasym-Jomart Toqaev 6–7 qazan kúnderі Ázerbaıjan prezıdentі Ilham Álıevtіń shaqyrýymen Gabalada ótken Túrkі memleketterі uıymynyń sammıtіne qatysqan edі.
Material avtory
