Memlekettіk qyzmetker zańsyz altyn óndіrdі degen kúdіkke іlіndі
«Azamattarǵa arnalǵan úkіmet» basshysynyń orynbasary memleketke 300 mln teńge shyǵyn ákeldі deıdі.
SMARTNEWS.KZ basylymynyń habarlaýynsha, Shyǵys Qazaqstan oblysynda «Azamattarǵa arnalǵan úkіmet» memlekettіk korporatsııasynyń fılıaly basshysynyń orynbasary zańsyz altyn óndіrdі degen kúdіkke іlіndі.
Qarjy monıtorıngі agenttіgіnіń ShQO departamentі Shybyndy ózenіnіń ańǵarynda zańsyz altyn óndіrý jáne jer qoınaýyn ruqsatsyz paıdalaný deregі boıynsha tergeý júrgіzіp jatyr.
Tergeý málіmetіnshe, sheneýnіk ózge adamdarmen bіrіgіp, «EastGoldStone» atty kompanııany tіrkep, ekі jyl boıy eshqandaı lıtsenzııasyz altyn óndіrýmen aınalysqan. Olar aýyr tehnıka qoldanyp, ózen arnasyna da aralasqan.
Ekologııalyq saraptama nátıjesіnde tabıǵatqa keltіrіlgen zalal 300 mln teńgeden asqany anyqtaldy.
«Tіntý kezіnde jalpy quny 382 mln teńge bolatyn 6,7 kelі altyn, 10 mln teńge men 56 myń AQSh dollary tabylyp, sot sanktsııasymen tárkіlendі», — dep málіmdedі agenttіk.
Kúdіktіler qazіr ekі aıǵa qamaýǵa alyndy.
Tergeý jalǵasyp jatyr, al ózge málіmetter Qylmystyq-protsestіk kodekstіń 201-babyna sáıkes jarııa etіlmeıdі.
Material avtory
